ଦିହଗ୍/ନେଦରଲ୍ୟାଣ୍ଡ: ବୌଦ୍ଧଗୁୁରୁମାନେ ଶିଷ୍ୟମାନଙ୍କୁ ଅସତ୍ ବ୍ୟବହାର କରୁଥିବା ଅଭିଯୋଗ ଆସିବାରେ ଲାଗିଛି। ତେବେ ଏହି ଘଟଣା ନୂଆ ନୁହେଁ ବୋଲି କହିଛନ୍ତି ବୌଦ୍ଧଧର୍ମର ସର୍ବୋଚ୍ଚ ଗୁରୁ ଦଲାଇ ଲାମା। ୧୯୯୦ ମସିହାରୁ ଏଭଳି ଚାଲିଆସୁଥିବା ସେ କହିଛନ୍ତି।
ନେଦରଲ୍ୟାଣ୍ଡକୁ ଚାରିଦିନିଆ ଗସ୍ତ ଅବସରରେ ଦଲାଇ ଲାମାଙ୍କୁ ଭେଟି ବୌଦ୍ଧ ଧର୍ମରେ ଦୀକ୍ଷିତ ପୀଡ଼ିତାମାନେ ବ୍ୟଭିଚାର ସମ୍ପର୍କରେ ଅଭିଯୋଗ କରିଥିଲେ। ପରବର୍ତ୍ତୀ ସମୟରେ ଡଚ୍ ପବ୍ଲିକ୍ ଟେଲିଭିଜନକୁ ଏକ ସାକ୍ଷାତକାର ଅବସରରେ ଦଲାଇଲାମା କହିଛନ୍ତି ଯେ ଏହି ଅଭିଯୋଗ ନୂଆ ନୁହେଁ। ପ୍ରାୟ ୨୫ ବର୍ଷ ପୂର୍ବେ ହିମାଚଳ ପ୍ରଦେଶରେ ଅନୁଷ୍ଠିତ ବିଶ୍ୱ ବୌଦ୍ଧ ସମ୍ମିଳନୀରେ ମଧ୍ୟ କେତେକ ଛାତ୍ରୀ ଏଭଳି ଅଭିଯୋଗ ଆଣିଥିଲେ। ଯେଉଁମାନେ ଏଭଳି ଘୃଣ୍ୟକାମ କରୁଛନ୍ତି ସେମାନେ ନିଜକୁ ବୌଦ୍ଧ ଧର୍ମାବଲମ୍ବୀ କହିବା ସମୀଚୀନ ନୁହେଁ। ତେଣୁ ସେମାନଙ୍କର କାରନାମା ସାର୍ବଜନୀନ ହେବା ଆବଶ୍ୟକ।
