ହିମାଚଳପ୍ରଦେଶରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ଆଜି ପ୍ରଧାନମନ୍ତ୍ରୀ ହିମାଚଳପ୍ରଦେଶ ଗସ୍ତକରି ୧୧ହଜାର କୋଟି ଟଙ୍କାର ବିଭିନ୍ନ ପ୍ରକଳ୍ପର ଲୋକାର୍ପଣ କରିଛନ୍ତି । ୭,୦୦୦ କୋଟି ରେଣୁକା ଡ୍ୟାମ ପ୍ରକଳ୍ପ ସହ ବିଭିନ୍ନ ଜଳ ବିଦ୍ୟୁତ୍ ପ୍ରକଳ୍ପ ଲୋକାର୍ପଣ କରିଛନ୍ତି । ପ୍ରକଳ୍ପ ଲୋକାର୍ପଣ ଅବସରରେ ଗିରି ନଦୀ ଉପରେ ନିର୍ମିତ ରେଣୁକା ଡ୍ୟାମ ପ୍ରକଳ୍ପ ରାଜ୍ୟ ପାଇଁ ବହୁତ ଲାଭଦାୟକ ହେବ ବୋଲି ପ୍ରଧାନମନ୍ତ୍ରୀ କହିଛନ୍ତି । ଏଥି ସହ ମୋଦି ଆହୁରି କହିଛନ୍ତି ପ୍ରତ୍ୟେକ କ୍ଷେତ୍ର ପାଇଁ ବିଦ୍ୟୁତ୍ ଏକାନ୍ତ ଆବଶ୍ୟକ ।
ହିମାଚଳକୁ ପ୍ଲାଷ୍ଟିକରେ ପ୍ରଦୂଷିତ ନକରିବାକୁ ପର୍ୟ୍ୟଟକମାନଙ୍କୁ ଅନୁରୋଧ କରାଯାଉଛି। ଏଠାରେ ପର୍ୟ୍ୟଟନ ପାଇଁ ଏକ ବଡ଼ ସମ୍ଭାବନା ଅଛି । ଚାଷରେ ପ୍ରାକୃତିକ ଚାଷକୁ ପ୍ରୋତ୍ସାହିତ କରିବା ପାଇଁ ସରକାର ନିରନ୍ତର କାର୍ୟ୍ୟ କରୁଛନ୍ତି । ରାସାୟନିକ ମୁକ୍ତ କୃଷିଜାତ ଦ୍ରବ୍ୟର ଚାହିଦା ରହିଛି । ପ୍ରାକୃତିକ ଚାଷରେ ହିମାଚଳପ୍ରଦେଶ ଭଲ କାମ କରୁଛି । ହିମାଚଳର କୃଷକମାନଙ୍କୁ ପ୍ରଶଂସା କରିଥିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ରାସାୟନିକ ମୁକ୍ତ ପ୍ରାକୃତିକ ଚାଷ ରାସ୍ତାରେ ୧.୫ ଲକ୍ଷରୁ ଅଧିକ ଚାଷୀ ଆରମ୍ଭ କରିଛନ୍ତି। ଦେଶର ଚାଷୀଙ୍କୁ ମଧ୍ୟ ପ୍ରାକୃତିକ ଚାଷ କରିବାକୁ ଅନୁରୋଧ କରାଯାଇଥିଲା। ହିମାଚଳ ହେଉଛି ଭାରତର ଫାର୍ମାସି ହବ୍ । କରୋନା ଅବଧିରେ ହିମାଚଳ ଅନ୍ୟ ଦେଶମାନଙ୍କୁ ମଧ୍ୟ ସାହାଯ୍ୟ କରିଥିଲା ବୋଲି ପ୍ରଧାନମନ୍ତ୍ରୀ କହିଛନ୍ତି ।
