ଶନିଦେବଙ୍କୁ କର୍ମଫଳପ୍ରଦାନ କରୁଥିବା ଦେବତା କୁହାଯାଏ। ପୁରାଣରେ ଶନି ଦେବଙ୍କୁ ସୂର୍ୟ୍ୟଙ୍କ ପୁତ୍ର ଏବଂ କାର୍ୟ୍ୟର ଫଳ ପ୍ରଦାନକାରୀ କୁହାଯାଏ । ଶନି ଦେବତାଙ୍କ କୃପା ପ୍ରାପ୍ତି ପାଇଁ ବିଶେଷ ଉପାସନା ଏବଂ କିଛି ଉପାୟ ଗ୍ରହଣ କରିବା ଲାଭଦାୟକ ବୋଲି କୁହାଯାଏ । ଜାଣନ୍ତୁ………
ଛାୟା ଦାନ-
ଶନିବାର ଦିନ, ଏକ ଲୁହା ପାତ୍ରରେ ସୋରିଷ ତେଲ ନିଅନ୍ତୁ। ସେଥିରେ ନିଜର ମୁହଁ ଦେଖି ପରେ ଏହି ତେଲକୁ ଶନି ମନ୍ଦିରକୁ ଦାନ କରନ୍ତୁ । କିଛି ଶନିବାର ଏହି ଉପାୟ କରନ୍ତୁ। ଏହା ବ୍ୟତୀତ, ରୁଟି ଉପରେ ସୋରିଷ ତେଲ ଲଗାଇ ଶନିବାର ଦିନ କଳା କୁକୁରକୁ ଖାଇବାକୁ ଦିଅନ୍ତୁ । ଆପଣଙ୍କୁ ଶୁଭଫଳ ପ୍ରାପ୍ତି ହେବ।
ଦାନ ବାକ୍ସ
ଜୀବନରେ ଥିବା କଷ୍ଟକୁ ଦୂର କରିବା ପାଇଁ ଶନିବାର ଦିନ ଏକ କିଲୋ ଗହମ, ଅଧା କିଲୋ ରାଶି, ଅଧା କିଲୋ କଳା ଚଣା, କିଛି ଲୁହା କଣ୍ଟା, ଅଳ୍ପ ସୋରିଷ ତେଲ, ଏହି ସମସ୍ତ ଜିନିଷକୁ ଏକ ପୁଟୁଳିରେ ବାନ୍ଧି ଶନିଙ୍କ ମନ୍ଦିରରେ ଦାନ କରନ୍ତୁ। ଏହାଦ୍ୱାରା ଖୁବ ଲାଭ ମିଳିବ।
ଶନିବାର ଦିନ, ଓଁ ନମଃ ଶନିଶ୍ଚରାୟ ନମଃ ମନ୍ତ୍ର ଜପ କରନ୍ତୁ। ଏହାଦ୍ୱାରା ଜୀବନର ଅସୁବିଧା ଦୂର ହୋଇଥାଏ। ଶନିଙ୍କ କୃପା ପ୍ରାପ୍ତି ପାଇଁ ଅସହାୟଙ୍କୁ ସାହାଯ୍ୟ କରନ୍ତୁ।
ଶନିବାର ଦିନ ସୂର୍ୟ୍ୟୋଦୟ ପୂର୍ବରୁ କିମ୍ବା ସୂର୍ୟ୍ୟୋଦୟ ପରେ ଅଶ୍ୱତ୍ଥ ବୃକ୍ଷକୁ ପୂଜା କରିବା ଦ୍ୱାରା ମା’ ଲକ୍ଷ୍ମୀଙ୍କ ଆଶୀର୍ବାଦ ସହିତ ଶନି ଦେବଙ୍କ ଆଶୀର୍ବାଦ ମିଳିଥାଏ।
ଯେଉଁମାନେ ପ୍ରଭୁ ହନୁମାନଙ୍କୁ ପୂଜା କରନ୍ତି ସେମାନଙ୍କ ଉପରେ ଶନି ଦେବ ସର୍ବଦା ସନ୍ତୁଷ୍ଟ ହୁଅନ୍ତି, ତେଣୁ ତାଙ୍କ ଆଶୀର୍ବାଦ ପାଇବା ପାଇଁ ଶନି ପୂଜା ସହିତ ହନୁମାନଙ୍କୁ ମଧ୍ୟ ପୂଜା କରାଯିବା ଉଚିତ୍ । ଯଦି ଆପଣ ଶନି ଦେବଙ୍କ ଆଶୀର୍ବାଦ ପାଇବାକୁ ଚାହାଁନ୍ତି, ତେବେ ପ୍ରଭୁ ହନୁମାନଙ୍କ ପୂଜା କରିବା ସହ ହନୁମାନ ଚାଳିଶା ପାଠ ପଢନ୍ତୁ।
