କ୍ଷୀରର ଉପକାରିତା ବିଷୟରେ ଆପଣ ନିଶ୍ଚୟ ଜାଣିଥିବେ । ଏହାର ସେବନ ଦ୍ବାରା କେବଳ ହାଡ ମଜବୁତ ହୁଏ ତାହା ନୁହେଁ, ବରଂ ଏଥିରେ ଅନେକ ପୋଷକ ତତ୍ତ୍ୱ ରହିଥାଏ ଯାହା ଶରୀର ପାଇଁ ଅନେକ ଲାଭଦାୟକ । ଅନେକ ଅଧ୍ୟୟନରେ ଏହା ମଧ୍ୟ ପ୍ରମାଣିତ ହୋଇଛି ଯେ କ୍ଷୀର ସେବନ ଦ୍ବାରା ଉତ୍ତମ ସ୍ୱାସ୍ଥ୍ୟ ସହ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ । କ୍ଷୀର ସେବନ ମଧୁମେହ, ମେଦବହୁଳତା, ହୃଦରୋଗ ଏବଂ ଅନେକ ପ୍ରକାରର କର୍କଟ ରୋଗରୁ ମଧ୍ୟ ରକ୍ଷା କରିଥାଏ । ଅନେକ ଲୋକ ଭାବନ୍ତି ଯେ ଜଳଖିଆ ସହିତ କ୍ଷୀର ପିଇବା ଭଲ। ସେହିପରି ଅଧିକାଂଶ ଲୋକ ରାତିରେ ଏହାକୁ ପିଇବାକୁ ଯଥାର୍ଥ ବୋଲି ମନେ କରନ୍ତି। ଯଦିଓ ଦିନରେ କ୍ଷୀର ପିଇବା ଦ୍ବାରା ଦିନସାରା ଶରୀରକୁ ଶକ୍ତି ମିଳିଥାଏ। ସେହିପରି ରାତିରେ କ୍ଷୀର ପିଇବା ଦ୍ବାରା, ଏହା ମନକୁ ଶାନ୍ତି ମିଳିବା ସହ ଭଲ ନିଦ ମଧ୍ୟ ହୋଇଥାଏ। ରାତିରେ କ୍ଷୀର ପିଇବା ସର୍ବୋତ୍ତମ ସମୟ ବୋଲି ଆୟୁର୍ବେଦରେ କୁହାଯାଇଛି।
ସକାଳ: ହଜମ କ୍ରିୟାରେ ସମସ୍ୟା ସୃଷ୍ଟି ହେବା ଆଶଙ୍କା ଥିବାରୁ ସକାଳେ କ୍ଷୀର ପିଇବାକୁ ନିଷେଧ କରାଯାଇଛି। କିନ୍ତୁ ବିଶ୍ୱାସ କରାଯାଏ ଯେ ଏହି ସମୟରେ କ୍ଷୀର ପିଇବା ଦ୍ୱାରା ଦିନସାରା ଶରୀରରକୁ ଶକ୍ତି ମିଳିଥାଏ।
ଅପରାହ୍ନ: ଅପରାହ୍ନରେ କ୍ଷୀର ପିଇବା ବୃଦ୍ଧମାନଙ୍କ ପାଇଁ ଲାଭଦାୟକ। କାରଣ ଏହା ଶରୀରକୁ ଶକ୍ତି ଦେଇଥାଏ।
ସନ୍ଧ୍ୟା: ସନ୍ଧ୍ୟାରେ କ୍ଷୀର ପିଇବା ଆଖି ପାଇଁ ବହୁତ ଭଲ ବୋଲି କୁହାଯାଏ।
ରାତି: ରାତିରେ କ୍ଷୀର ପିଇବା ସର୍ବୋତ୍ତମ ବୋଲି ବିବେଚନା କରାଯାଏ। କାରଣ ଏହା ଦିନସାରା ଶରୀରର ଥକ୍କାପଣକୁ ଦୂର କରିଥାଏ ଏବଂ ଭଲ ନିଦ ଦେଇଥାଏ।
