ବଡ଼ସାହି : ଦେଉଳିଆ ପଞ୍ଚାୟତ, ବଇଁଚାରେ ବଜରଙ୍ଗବାଲି ଯୁବକସଂଘ ଆନୁକୂଲ୍ୟରେ ଚାଲିଥିବା ଦୁଇଦିନିକିଆ ଫୁଟବଲ ଟୁର୍ଣ୍ଣାମେଣ୍ଟ ରବିବାର ଉଦ୍ଯାପିତ ହୋଇଯାଇଛି। ଶନିବାର ବ୍ଲକ ଅଧ୍ୟକ୍ଷା ଲକ୍ଷ୍ମୀ ସିଂ ଓ ବିଜେଡ଼ିର ପର୍ଯ୍ୟବେକ୍ଷକ କ୍ଷୀରୋଦ ଚନ୍ଦ୍ର ରାଉତ ଅତିଥିଭାବେ ଯୋଗଦେଇ ଟୁର୍ଣ୍ଣାମେଣ୍ଟକୁ ଉଦ୍ଘାଟନ କରିଥିଲେ। ୧୬ଟି ଦଳ ଅଂଶ ଗ୍ରହଣ କରିଥିବା ଟୁର୍ଣ୍ଣାମେଣ୍ଟର ଫାଇନାଲ ଖେଳରେ କମଳାଶୋଳ ଦଳ ଡ଼ାହିସାହି ଦଳକୁ ୩-୧ଗୋଲରେ ପରାସ୍ତ କରି ଚମ୍ପିୟାନ ହୋଇଥିଲା। ଟୁର୍ଣ୍ଣାମେଣ୍ଟ ଶେଷରେ ଅନୁଷ୍ଠିତ ପୁରସ୍କାର ବିତରଣ ଉତ୍ସବରେ ବିଧାୟକ ଗଣେଶ୍ୱର ପାତ୍ର ମୁଖ୍ୟଅତିଥି ଭାବେ ଯୋଗଦେଇ ଚମ୍ପିୟାନ ଓ ରର୍ନସଅପ୍ ଦଳକୁ ପୁରସ୍କାର ବାବଦରେ ଯଥାକ୍ରମେ ୫୦ ଓ ୩୦କିଗ୍ରା ବ୍ରଏଲୟର କୁକୁଡ଼ା ଏବଂ ଟ୍ରଫି ପ୍ରଦାନ କରିଥିଲେ। ଅନ୍ୟମାନଙ୍କ ମଧ୍ୟରେ ମୁଖ୍ୟବକ୍ତା ଭାବେ ସରପଞ୍ଚ ବୈଦନାଥ ସିଂ, ସମ୍ମାନୀତ ଅତିଥି ଭାବେ ବିଜେଡ଼ିର ବ୍ଲକ ଯୁବ ସଭାପତି ନିହାର ରଞ୍ଜନ ମହାପାତ୍ର, ସାମ୍ବାଦିକ ଦୀପକ କୁମାର ବୁଗୁଡ଼େଇ, ମନୋରଞ୍ଜନ ଲେଙ୍କା ଓ ଆଦିତ୍ୟ ବେହେରା ଯୋଗଦେଇଥିଲେ। କ୍ଲବର ସଦସ୍ୟ ସିଦ୍ଧାନ୍ତ ଜେନା, ଦାଶରଥି ସିଂ, ଉମେଶ ବିନ୍ଧାଣୀ, ସୁରେନ୍ଦ୍ର ସିଂ, କାର୍ତ୍ତିକ ସିଂ, କାଳିଚରଣ ସିଂ, ଟିକି ସିଂ, ବାବୁ ସିଂ, କାଳିଆନନା ସିଂ, ବିଜୟଜ୍ୟୋତି ନାଏକ ଓ ସର୍ବେଶ୍ୱର ପରିଡ଼ା ଟୁର୍ଣ୍ଣାମେଣ୍ଟ ପରିଚାଳନା କରିଥିଲେ।
Popular Categories
Previous article
Next article