ସୁଆଣ୍ଡୋ : ପୁରୀ ଜିଲାର ପ୍ରସିଦ୍ଧ ବୈଷ୍ଣବ କ୍ଷେତ୍ର ତିଳତଣ୍ଡୁଳିତ ବକୁଳବନ ସନ୍ନିକଟ ସାକ୍ଷୀଗୋପାଳ ମନ୍ଦିରରେ ସତ୍ୟବାଦୀ ସାକ୍ଷୀ ଗୋପୀନାଥଙ୍କ ବଡ ଏକାଦଶୀ ପର୍ବ ସୋମବାର ପାଳିତ ହୋଇଯାଇଛି। ସକାଳ ଦ୍ୱାରଫିଟା ମଙ୍ଗଳ ଆଳତି ମଇଲମ ଅବକାଶ ତଡପଲାଗି କରାଯାଇ ମହାପ୍ରଭୁଙ୍କ ବେଶ କରାଯାଇ ବାଳଧୂପ ହୋଇଥିଲା । ମା ରାଧାରାଣୀ ପାଟ ପିତାମ୍ବରୀ ପରିଧାନ କରିଥିବା ଓ ସାକ୍ଷୀ ଗୋପୀନାଥ ପାଟ ବସ୍ତ୍ର ପିନ୍ଧି ମଥାରେ ସୁବର୍ଣ୍ଣ କିରିଟି ହାତରେ ସୁବର୍ଣ୍ଣ ବଂଶୀ ଧରି ତୁଳସୀ ମାଳା ସହିତ ନାନାଦି ପୁଷ୍ପ ଲାଗି ହୋଇଛନ୍ତି । ମହାମାରୀ କରୋନା କଟକଣାକୁ ଦୃଷ୍ଟିରେ ରଖି ଜିଲା ପ୍ରଶାସନ ପକ୍ଷରୁ ମନ୍ଦିର ଚାରିପଟେ ୨ ଶହ ମିଟର ପର୍ୟ୍ୟନ୍ତ ୧୪୪ ଧାରା ଜାରି କରାଯାଇଛି । ଭକ୍ତମାନେ ଅରୁଣ ଖୁମ୍ବ ନିକଟରେ ମୁଣ୍ଡିଆମାରି ଫେରୁଛନ୍ତି। ମାନସିକ ଧାରୀ ମାନେ ବରଗଛ ତଳେ ବସି ଚୁଡାଘଷା ପ୍ରସ୍ତୁତ କରି ପଣ୍ଡା ପୁଜକଙ୍କ ଦ୍ବାରା କରାଉଛନ୍ତି। କଟକଣା ଅଁଳା ନବମୀ ପରି ମନ୍ଦିର ଆଗରେ ବାରିକେଟ କରାଯାଇଛି । ମନ୍ଦିରରେ ପ୍ରବେଶ କରିନପାରି ଶ୍ରଦ୍ଧାଳୁମାନେ ମନଦୁଃଖରେ ଫେରୁଥିବା ଦେଖିବାକୁ ମିଳିଛି । ପ୍ରଶାସନ ପକ୍ଷରୁ ତହସିଲଦାର ଜୟନ୍ତ କୁମାର ଜୟସିଂହ, ସତ୍ୟବାଦୀ ଥାନା ଆଇଆଇସି ଦେବୀପ୍ରସାଦ ପାତ୍ର ପ୍ରମୁଖ ଉପସ୍ଥିତ ରହିଛନ୍ତି ।
Comments are closed.