ସାଧାରଣତଃ ସମସ୍ତେ ନିଜ ପସନ୍ଦର ଗୀତ ଶୁଣିବାକୁ ଭଲ ପାଇଥାଆନ୍ତି। ଗୀତ ଶୁଣିବା ଦ୍ୱାରା ମନ ତାଜା ରହିଥାଏ, ଏହାସହ ଆପଣଙ୍କ ପସନ୍ଦର ଗୀତ ଆପଣଙ୍କ ବ୍ୟକ୍ତିତ୍ୱ ବିଷୟରେ ମଧ୍ୟ ଜଣାଇଥାଏ। ବିଶ୍ୱାସ କରିବା ସହଜ ନହେଲେ ମଧ୍ୟ ଏହା ସତ। ଏହି ତଥ୍ୟ ନିକଟରେ ହୋଇଥିବା ଏକ ଗବେଷଣାରୁ ଜଣାପଡ଼ିଛି।
ବ୍ରିଟେନ୍ରେ ହୋଇଥିôବା ଏକ ଗବେଷଣାରୁ ଜଣାପଡ଼ିଛି, ସରଳ ଓ ମନକୁ ଶାନ୍ତି ଦେଉଥିବା ଗୀତ ଶୁଣୁଥିବା ବ୍ୟକ୍ତି ସାଧାରଣତଃ ମେଳାପୀ ବା ବନ୍ଧୁପ୍ରିୟ ସ୍ୱଭାବର ହୋଇଥାଆନ୍ତି। ଏହାସହ ଗୀତିନାଟ୍ୟ ଆଦି ପସନ୍ଦ କରୁଥିବା ବ୍ୟକ୍ତି ଅଧିକ କଳ୍ପନାଶୀଳ ହୋଇଥାଆନ୍ତି। ଗବେଷକମାନେ କହିଛନ୍ତି ଯେ ଲୋକମାନଙ୍କ ସଙ୍ଗୀତର ପସନ୍ଦ ଅନୁସାରେ ତାଙ୍କ ବ୍ୟକ୍ତିତ୍ୱ ବିଷୟରେ ସଠିକ୍ ଅନୁମାନ ଲଗାଯାଇପାରିବ। ୨୦,୦୦୦ ଲୋକଙ୍କୁ ନେଇ କରାଯାଇଥିବା ଏହି ଅନ୍ଲାଇନ୍ ଗବେଷଣାରେ ୨୨ ବର୍ଷ ରୁ ଊର୍ଦ୍ଧ୍ବ ବୟସର ଲୋକମାନଙ୍କୁ ସାମିଲ କରାଯାଇଥିଲା। ଏହି ଗବେଷଣାରେ ୨୫ ଶ୍ରେଣୀର ସଙ୍ଗୀତ ପରିବେଶଣ କରାଯାଇଥିଲା। ଏଥିରେ ଦେଖାଗଲା ଯେ ମେଳାପୀ ଓ ଶକ୍ତିଶାଳୀ ଲୋକମାନେ ସରଳ, ଆରାମଦାୟକ ଗୀତ ଶୁଣିବାକୁ ପସନ୍ଦ କଲେ। ସଙ୍ଗୀତରେ ପସନ୍ଦ ଓ ବ୍ୟକ୍ତିତ୍ୱର ସମ୍ପର୍କ ଉପରେ ଆମ ଦେଶରେ ମଧ୍ୟ ବହୁତ ଲୋକ ଟିପ୍ପଣୀ ଦେଇଥାଆନ୍ତି। ଏହି ଗବେଷଣା ବିଷୟରେ ‘ନ୍ୟୁୟର୍କ ଏକାଡ଼େମୀ ଅଫ୍ ସାଇନ୍ସେଜ୍’ ର ପୁସ୍ତକ ‘ଏନ୍ନଲ୍ସ’ ରେ ପ୍ରକାଶିତ ହୋଇଥିଲା।
