କେନ୍ଦ୍ରାପଡ଼ା : ଲଗାଣ ବର୍ଷାରେ ଚାଷ ଜମିରେ ଜମିଥିବା ବର୍ଷା ଜଳ ନିଷ୍କାସନ ଓ ଫସଲର କ୍ଷତିପୂରଣ ଦାବିରେ ରବିବାର କେନ୍ଦ୍ରାପଡ଼ା ବ୍ଲକ ଓସ୍ତପୁର କଂସାର ପଞ୍ଚାୟତର ଚାଷୀ ଆନ୍ଦୋଳନ କରିଛନ୍ତି। ଆନ୍ଦୋଳନକାରୀ ମାନେ କେନ୍ଦ୍ରାପଡ଼ା – ଗଣ୍ଡାଖିଆ ରାସ୍ତାରେ ଟାୟାର ଜାଳି ଅବରୋଧ କରିଛନ୍ତି। ଫଳରେ ସେଠାରେ ଯାତାୟତରେ ବାଧାପ୍ରାପ୍ତ ହୋଇଛି। ଦୀର୍ଘ ସମୟ ଧରି କୌଣସି ପ୍ରଶାସନିକ ଅଧିକାରୀ ଘଟଣାସ୍ଥଳରେ ନପହଞ୍ôଚବାରୁ ସେଠାରେ ଉତ୍ତେଜନା ଦେଖା ଦେଇଥିଲା।
ସୂଚନା ଅନୁଯାୟୀ ୯ଟି ବ୍ଲକ ମଧ୍ୟରୁ ବିଶେଷ କରି ତଳିଆ ଅଞ୍ଚଳରେ ହଜାର ହଜାର ହେକ୍ଟର ଚାଷ ଜମି ଜଳମଗ୍ନ ହୋଇଛି। କେନ୍ଦ୍ରାପଡ଼ା ବ୍ଲକର ଓସ୍ତପୁର, କଂସାର ପଞ୍ଚାୟତର ନାଗପୁର,ଦେପୁର, ରଘୁନାଥପୁର, ହଳଦୀଡ଼ିହ, କୋରଡ଼ା ଗ୍ରାମର ଚାଷୀ ବିଶେଷ ଭାବେ ପ୍ରଭାବିତ ହୋଇଛନ୍ତି। ଗୋବରୀ, ବୈତରଣୀ ଆଦି ଜଳସ୍ତର ଅଧିକ ଥିବା ଯୋଗୁଁ ଜଳ ନିଷ୍କାସନରେ ବାଧାପ୍ରାପ୍ତ ହେଉଛି। ଯାହା ଫଳରେ ବ୍ୟାପକ ଫସଲ ମଧ୍ୟ ନଷ୍ଟ ହୋଇଛି। ଆନ୍ଦୋଳନ କାରୀ ମାନେ ସେଠାରେ କଲର୍ଭଟ ନିର୍ମାଣ ପାଇଁ ମଧ୍ୟ ସରକାରଙ୍କୁ ଗୁହାରୀ କରିଛନ୍ତି।
