ପାଟଣା: କେନ୍ଦୁଝର ଜିଲ୍ଲା ପାଟଣା ବ୍ଲକ କେତାଙ୍ଗ ଗ୍ରାମରେ ଠିକା କମ୍ପାନୀ ଗ୍ରାମରେ ପାଣି ପାଇପ୍ ଲାଇନ୍ କାମ କରୁଥିବା ବେଳେ ଗ୍ରାମର ବିଭିନ୍ନ ସ୍ଥାନରେ କଂକ୍ରିଟ ରାସ୍ତା ତାଡିଦେବା ସହ ସାହି ଡ୍ରେନକୁ ତାଡି ଭାଙ୍ଗି ଦେଇଛି। ଏହା ସହ ଲୋକଙ୍କ ପଟ୍ଟାଭୁକ୍ତ ଜମିରେ ଜୋର ଜବରଦସ୍ତ ଖୋଳି ଗଛ ଭାଙ୍ଗିବା ଭଳି ଗୁରୁତର ଅଭିଯୋଗ ଆଣିଛନ୍ତି କେତାଙ୍ଗ ଗ୍ରାମବାସୀ। ଗ୍ରାମର ଉପର ସାହି ଠାରୁ ତଳ ସାହି ପର୍ଯ୍ୟନ୍ତ ରାସ୍ତାର କଂକ୍ରିଟ ରାସ୍ତାକୁ ଠିକା ସଂସ୍ଥାର ମେସିନ ଦ୍ବାରା ଭାଙ୍ଗି ଦିଆଯାଇଛି। ଏହା ସହ ରାସ୍ତା ପାର୍ଶ୍ବରେ ଥିବା ଡ୍ରେନକୁ ମଧ୍ୟ ଭାଙ୍ଗି ଦିଆଯାଇଛି। ଫଳରେ ଲୋକେ ଯାତାୟତରେ ବହୁ ଅସୁବିଧାର ସମ୍ମୁଖୀନ ହେଉଛନ୍ତି। ଅନ୍ୟ ପକ୍ଷରେ ଠିକା କମ୍ପାନୀ ନଷ୍ଟ କରିଥିବା ରାସ୍ତାର ମରାମତି କରିବାର ନିୟମ ରହିଥିଲେ ମଧ୍ୟ ଏଠାରେ ଲୋକଙ୍କ ଅଭିଯୋଗକୁ କର୍ମଚାରୀ ଶୁଣୁ ନଥିବା ଓ ଧମକ ଦେବା ଭଳି ଗୁରୁତର ଅଭିଯୋଗ କରିଛନ୍ତି ଗ୍ରାମବାସୀ। ତେବେ ରାସ୍ତା ମରାମତି ସହ ଲୋକଙ୍କ ସମସ୍ୟା ପ୍ରତି ପ୍ରଶାସନ ଦୃଷ୍ଟି ଦେବାକୁ ଦାବି ହୋଇଛି।
Popular Categories
Previous article
Next article