ବୌଦ୍ଧ: ବୌଦ୍ଧ କେନ୍ଦ୍ରୀୟ ବିଦ୍ୟାଳୟଠାରେ ଶିକ୍ଷକ ପର୍ବ ୨୦୨୧ ମହାସମାରୋହରେ ପାଳିତ ହୋଇଯାଇଛି। ଏହି ଉପଲକ୍ଷେ କେନ୍ଦ୍ରୀୟ ବିଦ୍ୟାଳୟ ପକ୍ଷରୁ ସମସ୍ତ ଅଭିଭାବକ ଓ ଛାତ୍ରଛାତ୍ରୀମାନଙ୍କୁ ଶିକ୍ଷକ ପର୍ବ ବିଷୟରେ ଅବଗତ କରାଯାଇ ଆଭାସି ଜରିଆରେ କାର୍ଯ୍ୟକ୍ରମ ସହିତ ଯୋଡାଯାଇଥିଲା। କରୋନା କଟକଣାକୁ ଦୃଷ୍ଟିରେ ରଖି ବିଦ୍ୟାଳୟ ପକ୍ଷରୁ ଏହି ପଦକ୍ଷେପ ନିଆଯାଇଥିଲା। ଫଳରେ ସମସ୍ତ ଅଭିଭାବକ,ଛାତ୍ରଛାତ୍ରୀ ଘରେ ବସି ପ୍ରଧାନମନ୍ତ୍ରୀଙ୍କ ଅଭିଭାଷଣ ଓ ୱେବିନାର ସଂପର୍କରେ ସମସ୍ତ ତଥ୍ୟ ଜାଣିପାରିଥିଲେ। ଏହି ଶିକ୍ଷକ ପର୍ବରେ କେନ୍ଦ୍ରୀୟ ବିଦ୍ୟାଳୟର ଅଧ୍ୟକ୍ଷା ସୁଜାତା ରଥଙ୍କ ଅଧ୍ୟକ୍ଷତାରେ ବିଦ୍ୟାଳୟରେ ଆୟୋଜିତ ବୈଠକରେ ଶିକ୍ଷକ ପର୍ବ ପାଳନର ଆଭିମୁଖ୍ୟ ଉପରେ ଆଲୋଚନା କରାଯାଇଥିଲା।
ଏହି ବୈଠକରେ ଶିକ୍ଷୟିତ୍ରୀ ରାଜଲକ୍ଷ୍ମୀ ବିଶ୍ୱାଳ,ବିଜୟା ପ୍ରଧାନ,ପ୍ରତିଭା ଦେବୀ,ଶିକ୍ଷକ ପ୍ରଦୀପ କୁମାର ପଣ୍ଡା,ଶ୍ରୀନିବାସ ହାତୀ,କରମବୀର ସିଂହ,ହରିଶଙ୍କର ରାୟ,ହରେନ୍ଦ୍ର କୁମାର ପ୍ରମୁଖ ଯୋଗ ଦେଇଥିଲେ।ଏହି ଶିକ୍ଷକ ପର୍ବ ସେପ୍ଟେମ୍ବର ୭ ତାରିଖ ଠାରୁ ୧୭ ତାରିଖ ପର୍ଯ୍ୟନ୍ତ ବିଦ୍ୟାଳୟମାନଙ୍କରେ ପାଳିତ ହେବ ବୋଲି ଜଣାପଡିଛି।
