ମା’ ଭୈରବୀଙ୍କ ଠାରେ ସପ୍ତପୂରୀ ଅମାବାସ୍ୟାରେ ସ୍ୱତନ୍ତ୍ର ପୂଜା

ବୌଦ୍ଧ: ବୌଦ୍ଧର ଅଧିଷ୍ଠାତ୍ରୀ ଦେବୀ ମା’ ଭୈରବୀଙ୍କ ଠାରେ ପରମ୍ପରା ପ୍ରକାରେ ସପ୍ତପୂରୀ ଅମାବାସ୍ୟା ଅବସରରେ ସ୍ୱତନ୍ତ୍ର ପୂଜା ଅନୁଷ୍ଠିତ ହୋଇଅଛି। ସକାଳୁ ମା’ ଭୈରବୀଙ୍କ ନିତିକାନ୍ତି ଅନୁଷ୍ଠିତ ହେବାପରେ ସ୍ୱତନ୍ତ୍ର ବେଶ କରାଯାଇ ଅମାବାସ୍ୟା ର ସ୍ୱତନ୍ତ୍ର ପୂଜା ଅନୁଷ୍ଠିତ ହୋଇଥିଲା। ମା’ଙ୍କ ଠାରେ ମାଟି ନିର୍ମିତ ଘୋଢ଼ା ସ୍ଥାପନା କରାଯାଇ ପିଠା ଭୋଗ ଳାଗି କରାଯାଇଥିଲା। ଏହା ସହ ନୂତନ ଚାଙ୍ଗୁଡିରେ ମାଟିପାତ୍ରରେ ବିଭିନ୍ନ ଶସ୍ୟ ଆଦି ଲାଗି କରାଯାଇଥିଲା। ପାଳିଆ ପୂଜକ ସାନନ୍ଦ ବଡମାଳି ଓ ଅନ୍ୟ ପୂଜକ ମାନେ ପୂଜାକାର୍ଯ୍ୟ ସଂପୂର୍ଣ୍ଣ କରିଥିଲେ। ଏହି ଅବସରରେ ବହୁସଂଖ୍ୟାରେ ଭକ୍ତମାନେ ଉପସ୍ଥିତ ରହିଥିଲେ।

Comments are closed.