ପିପିଲି : ପିପିଲି ବିଜ୍ଞାପିତ ଅଞ୍ଚଳ ପରିଷଦ ପକ୍ଷରୁ ମଙ୍ଗଳବାର ସ୍ୱାୟତ୍ତ ଶାସନ ଦିବସ କୋଭିଡ୍ ଗାଇଡ୍ଲାଇନ ଅନୁପାଳନ ପୂର୍ବକ ପାଳିତ ହୋଇଯାଇଛି । ଏହି ଅବସରରେ ପ୍ରତ୍ୟୁଷରେ ପୌରାଞ୍ଚଳର ବିଭିନ୍ନ ୱାର୍ଡରେ ସଫେଇ କାର୍ଯ୍ୟ କରାଯାଇଥିଲା । ଏନ୍ଏସିର ବିଭିନ୍ନ ବିଭାଗର ଅଧିକାରୀ, ଯନ୍ତ୍ରୀଙ୍କ ସମେତ ସମସ୍ତ କର୍ମଚାରୀମାନେ ଥାନା ସମ୍ମୁଖରେ ଥିବା ମହାତ୍ମାଗାନ୍ଧିଙ୍କ ପ୍ରତିମୂର୍ତ୍ତୀ ଓ ବିଜୁ ପଟ୍ଟନାୟକଙ୍କ ଶିଶୁ ଉଦ୍ୟାନ ପରିସରରେ ଥିବା ବିଜୁ ପଟ୍ଟନାୟକଙ୍କ ପ୍ରତିମୂର୍ତ୍ତୀରେ ମାଲ୍ୟାର୍ପଣ କରିଥିଲେ । ପରେ ପୌର କାର୍ଯ୍ୟାଳୟ ପରିସରରେ ପତାକା ଉତ୍ତୋଳନ କରାଯାଇଥିବା ବେଳେ ଯନ୍ତ୍ରୀ ବିଭୂତି ତ୍ରିପାଠୀ, କର୍ମଚାରୀ ଅଶୋକ କୁମାର ଦାଶ, କୈଳାଶ ଚନ୍ଦ୍ର ସ୍ୱାଇଁ, ବିଜୟ କୁମାର କୋଦମାନସିଂ ପ୍ରମୁଖ ସ୍ୱାୟତ୍ତ ଶାସନ ଦିବସ ପାଳନ ସଂପର୍କରେ ଆଲୋକପାତ କରିଥିଲେ। ଏହି ଅବସରରେ ଏନ୍ଏସିର ସଫେଇ କର୍ମଚାରୀ ଓ ସ୍ୱଚ୍ଛ କର୍ମୀମାନଙ୍କୁ ପୋଷାକ ବିତରଣ କରାଯିବା ସହ ସମ୍ମାନିତ କରାଯାଇଥିଲା ।
Popular Categories
Previous article
Next article