ବେଗୁନିଆ: ରାଜ୍ୟ ସରକାର କୃଷି ଓ କୃଷକମାନଙ୍କ ପାଇଁ ପ୍ରଣୟନ କରୁଥିବା ବିଭିନ୍ନ ଯୋଜନା ସମ୍ପର୍କରେ ଚାଷୀମାନଙ୍କୁ ସଚେତନ କରିବା ପାଇଁ ଆଜି ଠାରୁ ବେଗୁନିଆ ବ୍ଲକର କୃଷି କାର୍ଯ୍ୟାଳୟ ଠାରୁ କୃଷିରଥ ପରିଭ୍ରମଣ ଆରମ୍ଭ ହୋଇଛି। ଏହି ରଥରେ ଭୁବନେଶ୍ୱରସ୍ଥିତ ପପେଟ ସଂସ୍ଥାରୁ ଆସିଥିବା କଳାକାରମାନେ ନୃତ୍ୟ ଗୀତ ମାଧ୍ୟମରେ ସରକାରଙ୍କର ଯୋଜନା ସମ୍ପର୍କରେ ଚାଷୀମାନଙ୍କୁ ଅବଗତ କରାଉଛନ୍ତି। ଏହି ରଥ ଆଜି ଦିନ ୧୦ଟା ସମୟରେ କୃଷି କାର୍ଯ୍ୟାଳୟରେ ପଂହଁଚିବା ପରେ ଆତ୍ମାର ଅଧ୍ୟକ୍ଷ ଶ୍ରୀନିବାସ ପାଇକରାୟ ପତାକା ଦେଖାଇ ଶୁଭାରମ୍ଭ କରିଥିଲେ। ଏହି ରଥ ବେଗୁନିଆ ବ୍ଲକର ୨୧ଟି ପଞ୍ଚାୟତ ପରିଭ୍ରମଣ କରି ଚାଷୀମାନଙ୍କୁ ସଚେତନ କରିବ। ଏହି କାର୍ଯ୍ୟକ୍ରମରେ ଭାରପ୍ରାପ୍ତ ବ୍ଲକ କୃଷି ଅଧିକାରୀ ସୀତାରତ୍ନମାଳା ଦାସ, କୃଷି ଓଭରସିୟର ଶ୍ୟାମସୁନ୍ଦର ବେହେରା ଏବଂ ମହିଳା ଗ୍ରାମ୍ୟ କୃଷି କର୍ମଚାରୀ ସୋନାଲି ସରଣ ସବନମ ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମକୁ ସଂଯୋଜନା କରିବା ସହିତ ପରିଚାଳନା କରିଥିଲେ।
Popular Categories
Previous article
Next article