ବେଗୁନିଆ: ବେଗୁନିଆ ବ୍ଲକରେ ସଦ୍ୟ ଗଠନ କରାଯାଇଥିବା ମିଡିଆ ହାଉସର ସ୍ଥାନ ନିରୂପଣ ଏବଂ ଗୃହ ନିର୍ମାଣ ପାଇଁ ସ୍ଥାନୀୟ ତହସିଲଦାର ଏବଂ ବିଧାୟକଙ୍କ ସହିତ କର୍ମକର୍ତ୍ତାମାନେ ଆଲୋଚନା କରିଥିଲେ। ଆଜି ଏହି ଉପଲକ୍ଷେ ମାନବ ଅଧିକାର ସୁରକ୍ଷା ସଂଗଠନ ବେଗୁନିଆ ଶାଖା କାର୍ଯ୍ୟାଳୟରେ କାର୍ଯ୍ୟ କରୁଥିବା ବେଗୁନିଆ ମିଡିଆ ହାଉସର ସମସ୍ତ କର୍ମକର୍ତ୍ତାମାନଙ୍କୁ ନେଇ ଏକ ଜରୁରୀକାଳୀନ ବୈଠକ ଶାଖା କାର୍ଯ୍ୟାଳୟରେ ଅନୁଷ୍ଠିତ ହୋଇଥିଲା। ଏହି ବୈଠକରେ ହାଉସର ସମ୍ପାଦକ ସୁକାନ୍ତ କୁମାର ପରିଡା ପୂର୍ବ ବିବରଣୀ ପାଠ କରିଥିଲେ।
ବୈଠକରେ ବିଜେଡିର ବରିଷ୍ଠ ନେତା ଭଗବାନ ପଣ୍ଡାଙ୍କ ଉଦ୍ୟମ କ୍ରମେ ବିଧାୟକ ରାଜେନ୍ଦ୍ର କୁମାର ସାହୁ ଏବଂ ତହସିଲଦାର ପୃଥ୍ୱୀରାଜ ମଣ୍ଡଳଙ୍କୁ ସାକ୍ଷାତ କରି ମିଡିଆ ହାଉସର ଏକ ଗୃହ ନିର୍ମାଣ କରିବା ପାଇଁ ଅନୁରୋଧ କରିଥିଲେ। ବିଧାୟକ ଶ୍ରୀ ସାହୁ ତୁରନ୍ତ ଗୃହ ନିର୍ମାଣ କରିବା ପାଇଁ ତାଙ୍କ ଲ୍ୟାଡ଼ରୁ ଅନୁଦାନ ଯୋଗାଇ ଦେବେ ବୋଲି ପ୍ରତିଶ୍ରୁତି ଦେଇଥିଲେ। ସେଥିପାଇଁ ମିଡିଆ ହାଉସ ତରଫରୁ ସମସ୍ତ ସଭ୍ୟ ବିଧାୟକ ଶ୍ରୀ ସାହୁଙ୍କୁ କୃତଜ୍ଞତା ଜଣାଇବା ସହିତ ଧନ୍ୟବାଦ ଦେଇଥିଲେ। ସାମ୍ବାଦିକମାନଙ୍କର ଜମି ଚିହ୍ନଟ ଏବଂ ବିଧାୟକ ପାଣ୍ଠିରୁ ଅନୁଦାନ ଆଣିବାରେ ବରିଷ୍ଠ ବିଜେଡି ନେତା ଭଗବାନ ପଣ୍ଡାଙ୍କ ସାହାଯ୍ୟ ସହଯୋଗକୁ ପ୍ରଶଂସା କରାଯାଇଥିଲା। ଏହି ଅବସରରେ କାର୍ଯ୍ୟାଳୟରେ ଅତିରିକ୍ତ ତହସିଲଦାର ସନାତନ ଆଚାର୍ଯ୍ୟ ଏବଂ ବରିଷ୍ଠ ବିଜେପି ନେତା ତଥା ସମାଜସେବୀ ଗୌରଚରଣ ପ୍ରହରାଜଙ୍କ ଦ୍ଵାରା ବୃକ୍ଷ ରୋପଣ କରାଯାଇଥିଲା।
