ନୂଆଦିଲ୍ଲୀ : ଭାରତରେ ପଳାତକ ଘୋଷିତ ବିଶିଷ୍ଟ ମଦ ବ୍ୟବସାୟୀ ବିଜୟ ମାଲ୍ୟାଙ୍କୁ ଆଉ ଏକ ବଡ଼ ଝଟକା ଲାଗିଛି । ତାଙ୍କ କିଙ୍ଗଫିଶ୍ର ବିମାନ କମ୍ପାନୀ ବ୍ରିଟେନରେ ଏକ ମୋକଦ୍ଦମା ହାରିଯାଇଛି । ଏଥିପାଇଁ ତାଙ୍କୁ ଏକ କମ୍ପାନୀକୁ ୯୦ ନିୟୁତ ଡଲାର ଅର୍ଥାତ ପାଖାପାଖି ୫୭୯ କୋଟି ଟଙ୍କା ପରିଶୋଧ କରିବାକୁ ପଡ଼ିବ। ସୂଚନା ଅନୁସାରେ ୬୨ ବର୍ଷିୟ ମାଲ୍ୟାଙ୍କ କମ୍ପାନୀ କିଙ୍ଗଫିଶର ବିରୋଧରେ ସିଙ୍ଗାପୁରର ବିଓସି ଆଭିଏସ୍ନ ନାମକ ଏକ କମ୍ପାନୀ ୨୦୧୪ରେ ମାମଲା ଦାୟର କରିଥିଲା । ସେତେବେଳେ କିଙ୍ଗଫିଶର ବିଓସିର କିଛି ବିମାନକୁ ଲିଜ୍ରେ ନେଇଥିଲା । ତେବେ ଏହି ମାମଲା ଲିଜଂ ରାଜିନାମକୁ ନେଇ ହୋଇଥିଲା । ଉଭୟ କମ୍ପାନୀଙ୍କ ମଧ୍ୟରେ ୪ଟି ବିମାନ ନେଇ ଡିଲ୍ ହାଇଥିଲା । ସେଥିରୁ ୩ଟି ବିମାନ କିଙ୍ଗଫିଶରୁ ମିଳିଥିଲା । ଏହି ମାମଲାର ବିଚାର କରି ବି୍ରଟେନର ଏକ କୋର୍ଟ କିଙ୍ଗଫିଶରକୁ ବାକି ଅର୍ଥ ଦେବାକୁ ନିର୍ଦେଶ ଦେଇଛନ୍ତି । ପ୍ରକାଶ ଯେ ଭାରତର ବିଭିନ୍ନ ବ୍ୟାଙ୍କରୁ ପ୍ରାୟ ୯ହଜାର କୋଟି ଟଙ୍କା ଋଣ ନେଇ ମାଲ୍ୟ ବିଦେଶ ପଳାଇଯାଇଛନ୍ତି।
