ଭୁବନେଶ୍ୱର: ରାଜ୍ୟରେ ଦୈନିକ କରୋନା ସଂକ୍ରମଣ ବୃଦ୍ଧି ପୁଣି ସମସ୍ତଙ୍କ ପାଇଁ ଚିନ୍ତା ବଢାଇଦେଇଛି। ଗତ ୨୪ ଘଣ୍ଟା ମଧ୍ୟରେ ଓଡ଼ିଶାରେ ୧୧୯୩ ନୂଆ ସଂକ୍ରମିତ ଚିହ୍ନଟ ହୋଇଛନ୍ତି। ସେମାନଙ୍କ ମଧ୍ୟରେ ସଂଗରୋଧରୁ ୬୯୫ ଓ ସ୍ଥାନୀୟ ସଂକ୍ରମିତ ୪୯୮ ଜଣ ରହିଛନ୍ତି। ଚିହ୍ନଟ ଆକ୍ରାନ୍ତଙ୍କ ମଧ୍ୟରେ ଅନୁଗୁଳ ଜିଲାରୁ ୪୯, ବାଲେଶ୍ୱର ୬୯, ବରଗଡ ୧୦, ଭଦ୍ରକ ୧୫, ବଲାଙ୍ଗୀର ୯, ବଉଦ ୩ ଓ କଟକରୁ ୧୬୧ ଜଣ ଚିହ୍ନଟ ହୋଇଛନ୍ତି।
ସେହିଭଳି ଦେବଗଡରୁ ୫, ଢେଙ୍କାନାଳ ୩୧, ଗଜପତି ୨, ଗଞ୍ଜାମ ୧୩ ଓ ଜଗତସିଂହପୁର ଜିଲାରୁ ୫୬ ଚିହ୍ନଟ ହୋଇଛନ୍ତି। ଏହି ସମୟ ମଧ୍ୟରେ ଯାଜପୁରରୁ ୫୦, ଝାରସୁଗୁଡା ୧୦, କନ୍ଧମାଳ ୪, କେନ୍ଦ୍ରାପଡା ୨୯, କେନ୍ଦୁଝର ୨୦ ଓ ଖୋର୍ଦ୍ଧାରୁ ୪୨୫ ଚିହ୍ନଟ ହୋଇଛନ୍ତି। କୋରାପୁଟରୁ ୪, ମାଲକାନଗିରି ୩, ମୟୁରଭଞ୍ଜ ୨୨, ନବରଙ୍ଗପୁର ୨, ନୂଆପଡା ୨ ଓ ପୁରୀରୁ ୩୪ ଚିହ୍ନଟ ହୋଇଛନ୍ତି। ଦିନକ ମଧ୍ୟରେ ରାୟଗଡାରୁ ୯, ସମ୍ବଲପୁର ୧୧, ସୁନ୍ଦରଗଡ ୧୦ ଓ ଷ୍ଟେଟପୁଲରୁ ୯୬ ଚିହ୍ନଟ ହୋଇଛନ୍ତି। ଏହି ସମୟ ମଧ୍ୟରେ ଆଉ ୧୧୭୭ ଜଣ ସୁସ୍ଥ ହୋଇଛନ୍ତି। ରାଜ୍ୟରେ ସଂପ୍ରତି ୧୦୮୦୯ ଜଣ ସକ୍ରିୟ କରୋନା ସଂକ୍ରମିତ ରହିଛନ୍ତି।
