ପିପିଲି : ଓଡିଶା କର୍ମଚାରୀ ପ୍ରବଣନ ଆୟୋଗ( ଷ୍ଟାଫ ସିଲେକ୍ସନ କମିଶନ)ରେ ନିଯୁକ୍ତି ଦୁର୍ନିତି ମାମଲାର ସିବିଆଇ ତଦନ୍ତ ଦାବି କରି ପିପିଲି-ଡେଲାଙ୍ଗ ବିଜେପି ଯୁବମୋର୍ଚ୍ଚା ପକ୍ଷରୁ ବୁଧବାର ପିପିଲି ଠାରେ ବିକ୍ଷୋଭ ପ୍ରଦର୍ଶନ କରାଯାଇଛି । ବିଜେପି ଯୁବନେତା ଗଦାଧର ପରିଡ଼ା, ପୁରୀ ଜିଲା ଯୁବମୋର୍ଚ୍ଚା ପ୍ରଭାରୀ ଆଶୁତୋଷ ବେହେରା, ସହପ୍ରଭାରୀ ରାଣା ପୃଥିରାଜ, ଜିଲା ଯୁବମୋର୍ଚ୍ଚା ଉପସଭାପତି ଦେବପ୍ରସାଦ ତ୍ରିପାଠୀ, ସମ୍ପାଦକ ସମୟ ରଞ୍ଜନ ବିଶ୍ୱାଳ, ପିପିଲି ଯୁବମୋର୍ଚ୍ଚା ସଭାପତି ଦେବୀପ୍ରସାଦ ମଲ୍ଲିକ, କାର୍ଯ୍ୟକର୍ତ୍ତା ବିଜୟ କେତନ ଜେନା, ଆଶିଷ ସାମନ୍ତରାୟ, ସରୋଜ ପରିଡ଼ା, ଶୁଭେନ୍ଦୁ ପରିଡ଼ା ଓ ସଂଖ୍ୟାଲଘୁ ଯୁବନେତା ସେକ୍ ରାଜାଙ୍କ ନେତୃତ୍ୱରେ ଯୁବନେତାମାନେ ପିପିଲି ପେଟ୍ରୋଲ ଟାଙ୍କି ଛକ ଠାରୁ ଶୋଭାଯାତ୍ରାରେ ବାହାରି ସରକାର ବିରୋଧି ବିଭିନ୍ନ ନାରାଦେଇ ପିପିଲି ବଜାର ପରିକ୍ରମା କରିବା ସହ ପିପିଲି ହାଟଛକ ଠାରେ ବିକ୍ଷୋଭ ପ୍ରଦର୍ଶନ କରିଥିଲେ । ସେଠାରେ ସେମାନେ ମୁଖ୍ୟମନ୍ତ୍ରୀଙ୍କ କୁଶପୁତ୍ତଳିକା ଦାହ କରିବା ସହ ଓଏସ୍ସିସି ଦୁର୍ନିୀତର ସିବିଆଇ ତଦନ୍ତ ଦାବି କରିଥିଲେ ।
Comments are closed.