ଜି.ଉଦୟଗିରି: ଆମ ରାଜ୍ୟରେ ଯଥେଷ୍ଟ ପରିମାଣରେ ବିଦ୍ୟୁତ ଉତ୍ପାଦନ ହେଉଥିଲେ ମଧ୍ୟ ଅନ୍ୟ କେତେକ ରାଜ୍ୟ ଅପେକ୍ଷା ଆମ ରାଜ୍ୟରେ ବିଦ୍ୟୁତ ଶୁଳ୍କର ଅହେତୁକ ବୃଦ୍ଧି ହୋଇଥିବା ପ୍ରତିବାଦରେ ଜି.ଉଦୟଗିରି ବିଜେପି ପକ୍ଷରୁ ମଙ୍ଗଳବାର ଦିନ ସ୍ଥାନୀୟ ବିଦ୍ୟୁତ ଉପଖଣ୍ଡ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିବା ସହ ଉପଖଣ୍ଡ ବିଦ୍ୟୁତ ବିଭାଗ ଅଧିକାରୀଙ୍କ ଜରିଆରେ ଏକ ସ୍ମାରକ ପତ୍ର ମହାମହିମ ରାଜ୍ୟପାଳଙ୍କ ଉଦ୍ଦେଶ୍ୟରେ ପ୍ରଦାନ କରିଛନ୍ତି। ବିବରଣୀରୁ ପ୍ରକାଶଯେ ରାଜ୍ୟ ବିଜେପିର ଆହ୍ବାନ କ୍ରମେ ଜି.ଉଦୟଗିରି ନଗର ବିଜେପି ସଭାପତି ଉଦେଶନ ପ୍ରଧାନଙ୍କ ନେତୃତ୍ବରେ ମଙ୍ଗଳବାର ଦିନ ଅଞ୍ଚଳର ବିଜେପି ନେତା ଏକତ୍ରୀତ ହୋଇ ବିଦ୍ୟୁତ ଶୁଳ୍କ ବୃଦ୍ଧି,ଅଘୋଷିତ ବିଦ୍ୟୁତ କାଟ ଓ ଲୋ ଭୋଲଟେଜ ପ୍ରତିବାଦରେ ସ୍ଥାନୀୟ ବିଦ୍ୟୁତ ଉପଖଣ୍ଡ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରର୍ଦଶନ କରିବା ସହ ମହାମହିମ ରାଜ୍ୟପାଳଙ୍କ ଉଦ୍ଦେଶ୍ୟରେ ଏକ ସ୍ମାରକ ପତ୍ର ଉପଖଣ୍ଡ ବିଦ୍ୟୁତ ବିଭାଗ ଅଧିକାରୀ ଇଂ.ଶ୍ୟାମ ସୁନ୍ଦର ବେହେରାଙ୍କ ଜରିଆରେ ପ୍ରଦାନ କରିଥିଲେ।
ଏହି କାର୍ଯ୍ୟକ୍ରମ ରେ ନଗର ବିଜେପି ଉପ ସଭାପତି ବିଭୂତି ଆଚାର୍ଯ୍ୟ,କନ୍ଧମାଳ ଜିଲ୍ଲା କୃଷକ ମୋର୍ଚ୍ଚା ସଭାପତି ଅବନେଶ୍ବର ପ୍ରଧାନ, କନ୍ଧମାଳ ଜିଲ୍ଲା ସାଧାରଣ ସମ୍ପାଦକ ମାନଗୋବିନ୍ଦ ପ୍ରଧାନ, ବ୍ଳକ ବିଜେପି ସଭାପତି ମାୟାବନ୍ଧୁ ପ୍ରଧାନ, ଜିଲ୍ଲା ପରିଷଦ ସଭ୍ୟ ଅମର ସିଂ ନାୟକ, ପାଡାଙ୍ଗି ସରପଞ୍ଚ ଲଳିତ ପ୍ରଧାନ, ବରିଷ୍ଠ ସଭ୍ୟ ଭୀମସେନ ପ୍ରଧାନ, ସୂରେନ୍ଦ୍ର ପ୍ରଧାନ, ଜ୍ଞାନ ରଞ୍ଜନ ପ୍ରଧାନ ପ୍ରମୁଖଙ୍କ ସହ ବହୁ ବିଜେପି କର୍ମୀ ଉପସ୍ଥିତ ଥିଲେ।
