ନବରଙ୍ଗପୁର : ନବରଙ୍ଗପୁର ଜିଲ୍ଲା ତେନ୍ତୁଳୀଖୁଣ୍ଟି ଥାନା ଅନ୍ତର୍ଗତ ପାତ୍ରପୁଟ ଫାଣ୍ଡି ପୁଲିସକୁ ସଫଳତା ମିଳିଛି । ଗଂଜେଇ ଚୋରା ଚାଲାଣ ବେଳେ ବାଇକ ସହ ୧୫ କିଲୋ ଗଂଜେଇ ଜବତ କରିବା ସହ ଅଭିଯୁକ୍ତକୁ ପୁଲିସ ଗିରଫ କରିଛି ।
ତେନ୍ତୁଳୀଖୁଣ୍ଟି ଥାନା ଅଧିକାରୀ ପ୍ରମୋଦ ନାୟକଙ୍କ ନେତୃତ୍ୱରେ ପାତ୍ରପୁଟ ଫାଣ୍ଡି ଅଧିକାରୀ ବଳଭଦ୍ର ହରିଜନ ଏବଂ ପୁଲିସ କର୍ମଚାରୀଙ୍କ ସହ ମିଶି କଳାହାଣ୍ଡି ଜିଲ୍ଲାକୁ ବାଇକ ଯୋଗେ ଗଂଜେଇ ନେଇ ଯାଉଥିବା ସମୟରେ ଜବତ ହୋଇଛି। ୧୫ କେଜି ଗଂଜେଇ ଚୋରା ଚାଲାଣ କରୁଥିବା ବେଳେ ଅଞ୍ଚଳଗୁମ୍ମା ପଞ୍ଚାୟତ ଓ ପୂଜାରିଗୁଡା ମଧ୍ୟ ରେ ଥିବା ହିର୍ମିମୁଣ୍ଡା ଓ କାନ୍ଦ୍ରାରାଗୁଡା ରାସ୍ତା ନିକଟରେ ପୁଲିସ ଅଭିଯୁକ୍ତକୁ କାବୁ କରିଥିଲା । ଅଭିଯୁକ୍ତ ଜଣକ କଳାହାଣ୍ଡି ଜିଲ୍ଲା ଆମପାଣି ଥାନା ଅନ୍ତର୍ଗତ ବାରାଡ଼ଙ୍ଗା ଗ୍ରାମର ଭଗବାନ ନାୟକ (୫୬) ବୋଲି ଜଣାପଡିଛି । ପୁଲିସ ଅଭିଯୁକ୍ତକୁ ଗିରଫ କରି କୋର୍ଟ ଚାଲାଣ କରିଛି ।
ବାଇକରେ ଚୋରାଚାଲାଣ ବେଳେ ଗଞ୍ଜେଇ ଜବତ ; ଜଣେ ଗିରଫ
Popular Categories
Previous article
Next article