କୋଭିଡ୍ ମହାମାରୀ ମୁକାବିଲା ନିମନ୍ତେ ବାହାର ଦେଶରୁ ଆସୁଥିବା ସହାୟତା ଗୁଡ଼ିକୁ ସରକାର ବିଭିନ୍ନ ରାଜ୍ୟ ଏବଂ କେନ୍ଦ୍ରଶାସିତ ଅଞ୍ଚଳଗୁଡ଼ିକୁ ଯୁଦ୍ଧକାଳୀନ ଭିତ୍ତିରେ ଯୋଗାଇ ଦେଉଛନ୍ତି। ଏ ପର୍ଯ୍ୟନ୍ତ ୧୫ ହଜାର ୫୬୭ଟି ଅକ୍ସିଜେନ୍ କନ୍ସେଣ୍ଟ୍ରେଟର୍, ୧୫ ହଜାର ୮୦୧ଟି ଅକ୍ସିଜେନ୍ ସିଲିଣ୍ଡର, ୧୯ଟି ଅକ୍ସିଜେନ୍ ଜେନେରେସନ୍ ପ୍ଲାଣ୍ଟ୍ ଏବଂ ୧୦ ହଜାର ୯୫୦ଟି ଭେଣ୍ଟିଲେଟର ଯୋଗାଇ ଦିଆଯାଇଛି।
ବାହାର ଦେଶରୁ ଆସୁଥିବା ମେଡିକାଲ୍ ଉପକରଣ ଗୁଡ଼ିକୁ ତାଲିକାଭୁକ୍ତ କରି ଆବଶ୍ୟକତା ଅନୁଯାୟୀ ରାଜ୍ୟଗୁଡ଼ିକୁ ପଠାଇବା ନିମନ୍ତେ ଏକ ସ୍ୱତନ୍ତ୍ର କମିଟି ଗଠନ କରାଯାଇଛି। ଗତ ମାସ ୨୬ରୁ ଏହି କମିଟି ମାଧ୍ୟମରେ ସମସ୍ତ ମେଡିକାଲ୍ ସାମଗ୍ରୀର ଯୋଗାଣ ସୁନିଶ୍ଚିତ କରାଯାଉଥିବା ସ୍ୱାସ୍ଥ୍ୟ ମନ୍ତ୍ରଣାଳୟ ସୂଚନା ଦେଇଛି।
