ବଲାଙ୍ଗିର : ସ୍ଥାନୀୟ ସାମ୍ବାଦିକ ଭବନ ପରିସରରେ ଲଳିତ କଳା ଏକାଡେମୀ ତଥା ଆର୍ଟ ରିସୋର୍ସ ସେଣ୍ଟର ବଲାଙ୍ଗିର ଆନୁକୂଲ୍ୟରେ ୩ ଦିନ ଧରି ହେବାକୁ ଥିବା ରାଜ୍ୟସ୍ତରୀୟ ଆଦିବାସୀ ଚିତ୍ରଶିଳ୍ପୀ ଶିବିର ଉଦଘାଟିତ ହୋଇଛି। ଶିବିରକୁ ରାଜ୍ୟ ତଥା ବଲାଙ୍ଗିର ଜିଲାର ବିଶିଷ୍ଟ ଚିତ୍ର ଶିଳ୍ପୀ ବାସୁଦେବ ମେହେର ଉଦଘାଟନ କରିଛନ୍ତି। ରାଜ୍ୟସ୍ତରୀୟ ଶିବିରରେ ଓଡିଶାର ବିଭିନ୍ନ ଜିଲାରୁ ଦେବ ମାରି, ସଞ୍ଜୟ ମାଝୀ, ନିତ୍ୟାନନ୍ଦ ସିର୍ଦ୍ଦାର, ନରେନ୍ଦ୍ର କୁମାର ମାଝୀ, ବରୁଣ ରାଜ କିସ୍କୁ, ବହ୍ଲଭ କିଶୋର ହାଁସଦା, ଗୀତାଞ୍ଜଳୀ ଜାନୀ, ଶିବ ଜାନୀ, ଶିବରାମ ନାୟକ, ଅକ୍ଷୟ ସଲତର, ବୁଧୁ ମୁଣ୍ଡା, ଅର୍ଜୁନ ମାଝୀ ପ୍ରମୁଖ ଆଦିବାସୀ ସଂସ୍କୃତି, ପରମ୍ପରା ସମ୍ପର୍କରେ ଚିତ୍ର ମାଧ୍ୟମରେ ନିଜ କଳାର ଯାଦୁଗରୀ ଦେଖାଇଛନ୍ତି। ବିଶେଷ କରି ଆଦିବାସୀମାନଙ୍କ ଚାଷ କରିବା ଶୈଳୀ, ବେଶଭୂଷା, ଜୀବନ ଜୀବିକା ଓ ସଂଘର୍ଷକୁ ଚିତ୍ରଶିଳ୍ପୀମାନେ ସେମାନଙ୍କ ତୁଳୀରେ ଜୀବନ୍ତ ରୂପ ଦେଉଛନ୍ତି। ଦର୍ଶକମାନଙ୍କ ପାଇଁ ଆର୍ଟ ଗ୍ୟାଲେରୀ ରହିଛି। ଏଥିରେ ସମସ୍ତେ ବୁଲି ଦେଖିବା ସହ ଆଦିବାସୀ, ସଂସ୍କୃତିର ଅନୁଭୂତିକୁ ବେଶ ପାଖରୁ ଅନୁଭବ କରୁଛନ୍ତି। ଲଳିତ କଳା ଏକାଡେମୀର ସଚିବ ଗଜେନ୍ଦ୍ର ପ୍ରସାଦ ସାହୁ, ବଲାଙ୍ଗିର ଆର୍ଟ ରିସୋର୍ସ ସେଣ୍ଟରର ସରୋଜ ମହାପାତ୍ର, ଶରତ ଚନ୍ଦ୍ର ସାମଲ, ବିକାଶ ପ୍ରଧାନ, ତ୍ରିଲୋଚନ ବରାଡ ଉପସ୍ଥିତ ରହି କାର୍ଯ୍ୟକ୍ରମ ପରିଚାଳନା କରୁଛନ୍ତି।
Popular Categories
Previous article
Next article