ଫିଫା ୧୭ ବର୍ଷରୁ କମ୍ ମହିଳା ଫୁଟ୍ବଲ ବିଶ୍ବକପ୍-୨୦୨୨, ସମ୍ଭାବ୍ୟ ଭାରତୀୟ ଶିବିରରେ ଓଡ଼ିଶାରୁ ଏକମାତ୍ର ଖେଳାଳି ଶ୍ରୀଦେବୀ
କଟକ: ଭାରତରେ ୧୭ ବର୍ଷରୁ କମ୍ ମହିଳା ଫିଫା ବିଶ୍ବକପ-୨୦୨୨ ଆୟୋଜିତ ହେବ। ଆୟୋଜକ ଭାରତ ଏହି ପ୍ରତିଯୋଗିତାରେ ଅଂଶଗ୍ରହଣ କରିବ। ସର୍ବଭାରତୀୟ ଫୁଟବଲ ମହାସଂଘ (ଏଆଇଏଫ୍ଏଫ୍) ପକ୍ଷରୁ ଭାରତୀୟ ଦଳ ପ୍ରସ୍ତୁତି ଲାଗି ୧୫ ବର୍ଷରୁ କମ୍ ଖେଳାଳିଙ୍କୁ ନେଇ ବିଭିନ୍ନ ରାଜ୍ୟରେ ମନୋନୟନ ଶିବିର ଆୟୋଜିତ ହୋଇଥିଲା। ଭୁବନେଶ୍ବରର କଳିଙ୍ଗ ଷ୍ଟାଡ଼ିୟମରେ ଆୟୋଜିତ ଶିବିରରେ ଓଡ଼ିଶା ଖେଳାଳି ଅଂଶଗ୍ରହଣ କରିଥିଲେ। ମନୋନୟନ ଶିବିରରୁ ଓଡ଼ିଶାରୁ ଏକମାତ୍ର ଖେଳାଳି ଭାବେ ଶ୍ରୀଦେବୀ ହାଁସଦା ଜାତୀୟ ଶିବିର ଲାଗି ମନୋନୀତ ହୋଇଛନ୍ତି। ମୟୁରଭଞ୍ଜର ଶ୍ରୀଦେବୀ ଭୁବନେଶ୍ବର କ୍ରୀଡ଼ା ଛାତ୍ରାବାସର ଅନ୍ତେବାସୀ। ଶ୍ରୀଦେବୀ ଓଡ଼ିଶା ୧୭ ବର୍ଷରୁ କମ୍ ବାଳିକା ଫୁଟବଲ ଦଳର ଅଧିନାୟିକା ଦାୟିତ୍ବ ତୁଲାଇଛନ୍ତି। ୨୦୨୦ ଫିଫା ୧୭ ବର୍ଷରୁ କମ୍ ମହିଳା ବିଶ୍ବକପ ଖେଳିବା ନେଇ ଓଡ଼ିଶାର ମଞ୍ଜୁ ଗଞ୍ଜୁ ଓ ଜ୍ୟୋତି କୁମାରୀ ଆଶା ରଖିଥିଲେ ମଧ୍ୟ କରୋନା ମହାମାରୀ ପାଇଁ ଏହି ବିଶ୍ବକପ୍ ବାତିଲ ହୋଇ ଯାଇଥିଲା। ଫଳରେ ମଞ୍ଜୁ ଓ ଜ୍ୟୋତି ନିରାଶ ହୋଇଥିଲେ। ଏବେ ଶ୍ରୀଦେବୀ ସମ୍ଭାବ୍ୟ ଶିବିର ଲାଗି ମନୋନୀତ ହେବା ଫିଫା ମହିଳା ବିଶ୍ବକପରେ ଓଡ଼ିଆଙ୍କ ପ୍ରତିିନିଧିତ୍ବ ନେଇ ଆଶା ସଞ୍ଚାର କରିଛି।
Comments are closed.