ବ୍ରିସବେନ୍: ଅଷ୍ଟ୍ରେଲିଆର ପୂର୍ବତନ ଲେଗ୍ ସ୍ପିନର ଶେନ୍ ୱାର୍ନ ଟିମ୍ ଇଣ୍ଡିଆର ଦ୍ରୁତ ବୋଲର ଟି. ନଟରାଜନଙ୍କ ବିରୋଧରେ ସ୍ପଟ୍ ଫିକ୍ସିଂ ଅଭିଯୋଗ ଆଣିଛନ୍ତି। ଏକ ଅଷ୍ଟ୍ରେଲୀୟ ଚ୍ୟାନେଲରେ କମେଣ୍ଟ୍ରି କରିବା ସମୟରେ ଶେନ୍ ୱାର୍ନ ଇସାରା ଇସାରାରେ ଏଭଳି ଅଭିଯୋଗ କରିଛନ୍ତି।
ଶେନ୍ ୱାର୍ନ କହିଛନ୍ତି, ଟି. ନଟରାଜନଙ୍କ ବୋଲିଂ ସମୟରେ ମୋତେ କିଛି ଭିନ୍ନ କଥା ଦେଖିବାକୁ ମିଳିଛି। ନଟରାଜନ ୭ଟି ନୋ ବଲ୍ ପକାଇଛନ୍ତି ଏବଂ ଏସବୁ ଅତ୍ୟନ୍ତ ବଡ଼ ନୋ ବଲ୍। ସେଥିରୁ ୫ଟି ନୋ ବଲ୍ ପ୍ରଥମ ବଲରୁ ଆସିଛି। ତାଙ୍କ ଗୋଡ଼ କ୍ରିଜରୁ ବହୁତ ବାହାରକୁ ଯାଇଥିବା ଦେଖିବାକୁ ମିଳିଛି। ଆମେ ସମେସ୍ତ ନୋ ବଲ୍ ପକାଇଛୁ। କିନ୍ତୁ ପ୍ରଥମ ବଲରେ ୫ଟି ନୋ ବଲ୍ ପକାଇବା ଅତ୍ୟନ୍ତ ଆଶ୍ଚର୍ଯ୍ୟଜନକ।
Shane Warne “Something that’s caught my eye when Natarajan was bowling. He’s bowled 7 no-balls & they’ve all been big ones. 5 of them have been off the first ball & they’re miles over. We’ve all bowled no-balls, but 5 of them off the 1st ball of an over is interesting” #AUSvIND pic.twitter.com/DdBxp4jW1K
— Saj Sadiq (@Saj_PakPassion) January 18, 2021
ସୂଚନାଯୋଗ୍ୟ, ବ୍ରିସବେନ୍ରେ ଟେଷ୍ଟରେ ନିଜର ପଦାର୍ପଣ କରିଥିବା ନଟରାଜନ ପ୍ରଥମ ଇନିଂସରେ ୩ଟି ଉଇକେଟ ଅକ୍ତିଆର କରିଥିଲେ। ଏହା ଭାରତ-ଅଷ୍ଟ୍ରେଲିଆ ମଧ୍ୟରେ ଖେଳାଯାଉଥିବା ଟେଷ୍ଟ ସିରିଜର ଅନ୍ତିମ ତଥା ୪ର୍ଥ ମ୍ୟାଚ। ସୋମବାର ୪ର୍ଥ ଦିନ ଖେଳ ବର୍ଷା ଯୋଗୁ ଶୀଘ୍ର ଶେଷ ହୋଇଯାଇଥିଲା। ଘରୋଇ ଦଳ ଅଷ୍ଟ୍ରେଲିଆ ୨ୟ ପାଳିରେ ୨୯୪ ରନ୍ କରି ଭାରତ ପାଇଁ ୩୨୮ ରନର ବିଜୟ ଲକ୍ଷ୍ୟ ଧାର୍ଯ୍ୟ କରିଛି।
