ରାଜଘାଟ : କୋଭିଡ୍ ସଂକ୍ରମଣ ପାଇଁ ଦୀର୍ଘ ୧୦ମାସ ଧରି ଦକ୍ଷିଣ ପୂର୍ବ ରେଳପଥର ଖଡଗପୁର-ଭଦ୍ରକ ମଧ୍ୟରେ ପାସେଞ୍ଜର ଟ୍ରେନ୍ ଚଳାଚଳ ସଂପୂର୍ଣ ବନ୍ଦ ରହିଛି। ଫଳରେ ରେଳଯାତ୍ରୀମାନେ ବହୁ ଅସୁବିଧାରେ ସମ୍ମୁଖୀନ ହେଉଛନ୍ତି ବିଶେଷକରି ଗରିବ, ମଧ୍ୟବିତ ପରିବାର ଲେକେ, ବ୍ୟବସାୟୀ, ପ୍ରଭାବିତ ହୋଇଛନ୍ତି ମାତ୍ର ପଶ୍ଚିମବଂଗରେ ପାସେଞ୍ଜର ଟ୍ରେନ୍ ଚଳାଚଳ କରୁଥିବାବେଳେ ଓଡିଶା ପ୍ରତି ରେଳ ବିଭାଗ ନଜର ଦେବାକୁ ଦାବି ହୋଇଛି। ଆଜି (ସୋମବାର ) ପୂର୍ବହ୍ନରେ ପାସେଞ୍ଜର ଟ୍ରେନ୍ ଚଳାଚଳ ଦାବିରେ ରାଜଘାଟ ଅଂଚଳର ଜନସାଧାରଣଙ୍କ ତରଫରୁ ଏକ ଶୋଭାଯାତ୍ରା ୬୦ନଂ ଜାତୀୟ ରାଜପଥର ଟୋଲଗେଟ୍ ବଜାରଠାରୁ ରାଜଘାଟ ପାସେଞ୍ଜର ହଲ୍ଟ ପର୍ଯନ୍ତ ଯାଇ ଷ୍ଟେସନ ମାଷ୍ଟରଙ୍କ ଜରିଆରେ କଲିକତାସ୍ଥିତ ଜିଏମ୍ ଏବଂ ଖଡଗପୁରସ୍ଥିତ ଡିଆରଏମଙ୍କ ପ୍ରଦାନ କରାଯାଇଥିଲା। ଏଥିରେ ନେତୃତ୍ୱ ନେଇଥିଲେ ଜଳେଶ୍ୱର ନିର୍ବାଚନ ମଣ୍ଡଳୀର ବିଧାୟକ ପ୍ରାର୍ଥୀ ଧ୍ରୁବଚରଣ ନାୟକ। ଅନ୍ୟମାନଙ୍କ ମଧ୍ୟରେ ପୂର୍ବତନ ଜିଲା ପରିଷଦ ସଦସ୍ୟ ଅଜୟ କୁମାର ସାହୁ , କଂଗ୍ରେସର ରାଜ୍ୟ ପ୍ରବକ୍ତା ତଥା ବିଧାୟକ ପ୍ରାର୍ଥୀ ସୁଦର୍ଶନ ଦାସ , ଦାମୋଦର ଜେନା , ଅମରନାଥ ମହାପାତ୍ର , ସଂଗ୍ରାମ କେଶରୀ ବେହେରା , ପୁରୁଷୋତମପୁର ସରପଂଚ ପୂର୍ଣଚନ୍ଦ୍ର ସୋରେନ୍ , ସନ୍ତୋଷ ଭଞ , ବେଣୁଧର ପାଳ , ସୁଧାଂଶୁ ମହାପାତ୍ର , ସଞ୍ଜିବ ମହାନ୍ତି ପ୍ରମୁଖ ଉପସ୍ଥିତ ଥିଲେ। ତୁରନ୍ତ ପାସେଞର ଟ୍ରେନ୍ ଚଳାଚଳନ ହେଲେ ଆଗାମୀ ଦିନରେ ଆନ୍ଦୋଳନାତ୍ମକ ପନ୍ଥା ଗ୍ରହଣ କରାଯିବ ବୋଲି କୁହାଯାଇଛି।
Comments are closed.