ସଂସଦର ଶୀତକାଳୀନ ଅଧିବେଶନ ବାତିଲ ନିଷ୍ପତ୍ତିକୁ ନେଇ କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧୀ ଭଦ୍ରା ମୁହଁ ଖୋଲିଛନ୍ତି। କେନ୍ଦ୍ର ସରକାର କୋଭିଡ -୧୯ ମହାମାରୀ ଆଳରେ ସଂସଦର ଶୀତକାଳୀନ ଅଧିବେଶନ ନ କରିବା ନେଇ କେନ୍ଦ୍ର ସରକାରଙ୍କ ସମାଲୋଚନା କରିଛନ୍ତି। ସେ କହିଛନ୍ତି ଯେ ଆନ୍ଦୋଳନରତ କୃଷକଙ୍କ ସମସ୍ୟା ଏଡାଇ ଯିବାକୁ ବିଜେପି ନେତୃତ୍ୱାଧୀନ କେନ୍ଦ୍ର ସରକାର ଏଭଳି ନିଷ୍ପତ୍ତି ନେଇଛନ୍ତି।
कोरोना काल के बीच में संसद चलाकर भाजपा सरकार ने अरबपति मित्रों के लिए बनाए गए कृषि कानूनों को पास कर दिया लेकिन किसानों की मांग पर, 11 किसानों की शहादत व बाबा राम सिंह की आत्महत्या के बावजूद किसान बिलों पर चर्चा के लिए संसद नहीं खुल सकती.
इतना ज्यादा अहंकार और असंवेदनशीलता
— Priyanka Gandhi Vadra (@priyankagandhi) December 17, 2020
ଶ୍ରୀମତୀ ଭଦ୍ରା କହିଛନ୍ତି ଯେ କରୋନା ମହାମାରୀର ଗମ୍ଭୀର ପରିସ୍ଥିତି ସତ୍ତ୍ୱେ ସରକାର ମୌସୁମୀ ଅଧିବେଶନ ଡାକିଥିଲେ ଏବଂ ପୁଞ୍ଜିପତିମାନଙ୍କୁ ଖୁସି କରିବା ପାଇଁ ତିନୋଟି ନୂତନ କୃଷି ସଂସ୍କାର ଆଇନ ପ୍ରଣୟନ କରିଥିଲେ। ବର୍ତ୍ତମାନ କୃଷକମାନେ ଆଇନରେ ଥିବା ବ୍ୟବସ୍ଥାକୁ ବିରୋଧ କରୁଥିବା ବେଳେ ସରକାର ସେମାନଙ୍କ ସମସ୍ୟାର ସମାଧାନ ପାଇଁ କଥାବାର୍ତ୍ତା କରୁନାହାଁନ୍ତି କିମ୍ବା ଶୀତକାଳୀନ ଅଧିବେଶନ ମଧ୍ୟ କରୁନାହାନ୍ତି।
ତାଙ୍କ ଟ୍ୱିଟର ହ୍ୟାଣ୍ଡେଲରେ ପ୍ରିୟଙ୍କା କହିଛନ୍ତି, ବିଜେପି ସରକାର ପୁଞ୍ଜିବାଦୀ ବନ୍ଧୁଙ୍କ ସପକ୍ଷରେ ପ୍ରସ୍ତୁତ ନୂତନ କୃଷି ଆଇନ ପ୍ରଣୟନ କରିଛନ୍ତି, ଏହି ସମୟ ମଧ୍ୟରେ ୧୧ ଜଣ କୃଷକଙ୍କ ବଳିଦାନ ଏବଂ ବାବା ରାମ ସିଂଙ୍କ ଆତ୍ମହତ୍ୟା ସତ୍ୱେ ସେମାନଙ୍କ ସମସ୍ୟା ନେଇ ଆଲୋଚନା କରିବାକୁ ଶୀତକାଳୀନ ଅଧିବେଶନ ନ ଡାକି ସରକାର ଅହଂକାର ପ୍ରଦର୍ଶନ କରିଛନ୍ତି।
