​ଜାଣନ୍ତୁ, ଚତୁଃମାସ୍ୟାରେ କେଉଁ ଖାଦ୍ୟ ଖାଇବା ଅନୁଚିତ

ଆଜି ଠାରୁ ଚତୁଃମାସ୍ୟା ଆରମ୍ଭ ହେଉଛି। ଏହି ମାସର ଅର୍ଥ ଭଗବାନ ଆଜି ଠାରୁ ଚାରି ମାସ ପର୍ଯ୍ୟନ୍ତ ଆରାମ କରିଥାନ୍ତି। ଏହି ଚତୁଃମାସ ଦେବଶୟନୀ ଏକାଦଶୀ ଦିନ ଠାରୁ ଆରମ୍ଭ ହୋଇଥାଏ। ଭଗବାନ ବିଷ୍ଣୁ ଏହି ଦିନ ଠାରୁ ପାତାଳପୁରୀରେ ଶୟନ କରିଥାନ୍ତି। କାର୍ତ୍ତିକ ଶୁକ୍ଳ ଏକାଦଶୀରେ ଭଗବାନ ପୂନଃ ମର୍ତ୍ତ୍ୟପୁରୀକୁ ଫେରିଥାନ୍ତି। ହିନ୍ଦୁ ଧର୍ମରେ ଏହି ଚାରି ମାସର ଅନେକ ମହତ୍ତ୍ୱ ରହିଛି।ଭଗବାନ ଶୟନ କରିବାରୁ ଅନେକ ଦୃଷ୍ଟ ଶକ୍ତି ସକ୍ରିୟ ହୋଇଯାଆନ୍ତି। ପୁରାଣ ଅନୁସାରେ ଏହି ଚାରି ମାସରେ ଅଧିକ ପୂଜା ପାଠ କରିବାକୁ କୁହାଯାଇଛି। ଚତୁଃମାସ୍ୟାରେ ଅନେକ ଖାଦ୍ୟ ଉପରେ ମଧ୍ୟ ବାରଣ କରାଯାଇଛି। ଆସନ୍ତୁ ଜାଣିବା ଏହି ମାସରେ କେଉଁ ଖାଦ୍ୟ ଖାଇବା ଅନୁଚିତ ..ଚତୁଃମାସ୍ୟାରେ ତେଲ, ଦହି ସହିତ ଭାତ ଖାଇବାକୁ ବାରଣ କରାଯାଇଛି। ଏହା ସହିତ ମୂଳା, ବାଇଗଣ, ଆଳୁ, ଛତୁ ଇତ୍ୟାଦି ମଧ୍ୟ ଖାଆନ୍ତୁ ନାହିଁ। ଏହିଦିନ ସାତ୍ତ୍ୱିକ ଖାଦ୍ୟ ଖାଇବା ଉଚିତ। ଚତୁଃମାସ୍ୟାରେ ଭଗବାନ ବିଷ୍ଣୁ କ୍ଷୀର ସାଗରରେ ବିଶ୍ରାମ କରିଥାନ୍ତି। ମା’ ଲକ୍ଷ୍ମୀ ତାଙ୍କର ସେବା କରିଥାନ୍ତି। ମା’ ଲକ୍ଷ୍ମୀଙ୍କ କୃପା ଲାଭ କରିବା ପାଇଁ ଭଗବାନ ବିଷ୍ଣୁଙ୍କୁ ପୂଜା କରିବା ସହିତ ମନ୍ତ୍ର ପାଠ କରିବା ଉଚିତ।
ପୌରାଣିକ ମାନ୍ୟତା ଅନୁସାରେ ଏହି ଚତୁଃମାସରେ କୌଣସି ଶୁଭ କାମ କରାଯାଇ ନଥାଏ। ଏପରି କରିବା ଦ୍ୱାରା କୁଶକ୍ତି ଘରେ ବାସ କରିଯାଆନ୍ତି।