ଆକର୍ଷଣୀୟ କେଶ ପାଇଁ କେତେକ ଜାଣିବା କଥା

ତେଲ ଲଗାଇବା ପରେ ତୁରନ୍ତ ମୁଣ୍ଡ କୁଣ୍ଡାନ୍ତୁ ନାହିଁ –
କେଶ ମୂଳରେ ତେଲ ମାଲିସ କରିବା ପରେ ସେପରି ରହିବାକୁ ଦିଅନ୍ତୁ, ତୁରନ୍ତ ମୁଣ୍ଡ କୁଣ୍ଡାନ୍ତୁ ନାହିଁ। ଏପରି କରିବା ଦ୍ୱାରା କେଶ ମୂଳ ଦୁର୍ବଳ ହୋଇ ଝଡ଼ିଥାଏ। କିଛି ସମୟ ପରେ କେଶ କୁଣ୍ଡାଇପାରିବେ।
ଅତ୍ୟଧିକ ତେଲ ଲଗାନ୍ତୁ ନାହିଁ –
କେଶରେ ତେଲ ଲଗାଇବା ଅର୍ଥ ନୁହେଁ, ଅତ୍ୟଧିକ ମାତ୍ରାରେ ଲଗାଇବା। ତେଲକୁ ସର୍ବଦା କେଶ ମୂଳରେ ଅଳ୍ପ ମାତ୍ରାରେ ଧିରେ ଧିରେ ମାଲିସ କରି ଲଗାନ୍ତୁ। ସାମ୍ପୁ ଲଗାଇବାର ୨ ଘଣ୍ଟା ପୂର୍ବରୁ ତେଲ ଲଗାନ୍ତୁ।
– ତେଲ ଲଗାଇବା ସଙ୍ଗେ ସଙ୍ଗେ ସାମ୍ପୁରେ ସଫା କରନ୍ତୁ ନାହିଁ। ଅତି ଜୋରରେ ସାମ୍ପୁ କରନ୍ତୁ ନାହିଁ। ତେଲ ଲଗାଇ କେଶକୁ ଅତି ଜୋରରେ ବାନ୍ଧନ୍ତୁ ନାହିଁ।
– ତେଲ ଲଗାଇବା ପରେ ଅନ୍ୟ କୌଣସି ଜିନିଷ ଯେପରି ସିରମ, ହେୟାର ସ୍ପ୍ରେ ଆଦି କେଶରେ ଲଗାନ୍ତୁ ନାହିଁ। ଏପରି କରିବା ଦ୍ୱାରା କେଶ ପାଇଁ କ୍ଷତିକାରକ ହୋଇଥାଏ।
କେଶକୁ ସଫା କରିବା ପାଇଁ ସାଧାରଣତଃ ସାମ୍ପୁର ବ୍ୟବହାର କରାଯାଏ। ଜାଣନ୍ତୁ ଘରୋଇ ଉପାୟରେ କିପରି ସାମ୍ପୁ ପ୍ରସ୍ତୁତ କରିବେ। ଏହା ଦ୍ୱାରା କେଶ ଝଡ଼ିବା ସମସ୍ୟା ଦୂର ହେବା ସହ କେଶ ଘନ, କୋମଳ, କଳା ମଧ୍ୟ ହୋଇଥାଏ।
ଅଁଳା, ରିଠାଫଳ ଓ ଶିକାକାଇ (ଅଠା ଉତ୍ପାଦକ କୁସୁମ ଗଛ)କୁ ବ୍ୟବହାର କରି ସାମ୍ପୁ ପ୍ରସ୍ତୁତ କରିପାରିବେ। ଏହା କେଶ ଝଡ଼ିବାକୁ ରୋକି ଥାଏ। ରିଠାଫଳରେ ଆଇନ ପ୍ରଚୁର ମାତ୍ରାରେ ରହିଛି, ଯାହା ନୂତନ କେଶ ସୃଷ୍ଟି କରିଥାଏ।
ଏପରି ପ୍ରସ୍ତୁତ କରନ୍ତୁ ସାମ୍ପୁ –
ଅଁଳା, ରିଠା, ଶିକାକାଇକୁ ଏକ ସମାନ (୮ଟି) ମାତ୍ରାରେ ନିଅନ୍ତୁ। ଅଧିକ ଲମ୍ବା ଓ ଘନ କେଶ ଥିଲେ ଏହାକୁ ଅଧିକ ପରିମାଣରେ ମଧ୍ୟ ନେଇପାରିବେ। ଏହାକୁ ସାରା ରାତି ବତୁରାଇ ଦିଅନ୍ତୁ। ଏହାପରେ ସକାଳେ ଏଥିରେ ଆଉ କିଛି ପାଣି ମିଶାଇ ଗ୍ୟାସରେ ବସାଇ ଫୁଟାନ୍ତୁ। ଫୁଟିବା ପରେ ଏହାକୁ ଥଣ୍ଡା କରନ୍ତୁ। ଏହାପରେ ଏହି ମିଶ୍ରଣକୁ ଭଲ ଭାବେ ଚକଟି ଛାଣି ଦିଅନ୍ତୁ। ଏହାପରେ ଏହାକୁ କେଶରେ ଲଗାଇ ସଫା କରନ୍ତୁ। ନିୟମିତ ଏହାକୁ ବ୍ୟବହାର କଲେ ନିଜେ ଏହାର ଉପକାରିତା ଅନୁଭବ କରିବେ।
କେଶ ଝଡ଼ିବା ସମସ୍ୟାରୁ ମୁକ୍ତି ପାଇଁ …….
ପିଜୁଳି ପତ୍ରର ଗୁଣ୍ଡ ସହ ଅଁଳା ତେଲକୁ ମିଶାଇ ଏହାକୁ କେଶ ମୂଳରେ ଲଗାନ୍ତୁ। ଲଗାଇବାର ୩୦ ମିନିଟ ପରେ ସାମ୍ପୁରେ କେଶକୁ ସଫା କରି ଦିଅନ୍ତୁ। ଏପରି କରିବା ଦ୍ୱାରା କେଶ ଉପୁଡ଼ିବା ସମସ୍ୟାରୁ ମୁକ୍ତି ମିଳିଥାଏ।