ନୂଆଦିଲ୍ଲୀ : ଜାମ୍ମୁ-କାଶ୍ମୀରର ନିୟନ୍ତ୍ରଣ ରେଖା ନିକଟରେ ଭାରତ ସୀମା ମଧ୍ୟକୁ ଅନୁପ୍ରବେଶ କରିବା ଅପେକ୍ଷାରେ ୪୦୦ରୁ ଅଧିକ ଆତଙ୍କବାଦୀ ପ୍ରସ୍ତୁତ ରହିଛନ୍ତି। ପାକିସ୍ତାନ ସେନା ଓ ଆଇଏସଆଇ ଏହି ଆତଙ୍କବାଦୀଙ୍କୁ ଭାରତ ସୀମା ମଧ୍ୟକୁ ପଠାଇବାର ଯୋଜନା ଚଳାଇଛି ବୋଲି ଗୁଇନ୍ଦା ସୂଚନା ମିଳିଛି। ଆତଙ୍କବାଦୀଙ୍କୁ ଅନୁପ୍ରବେଶ କରାଇବା ଲକ୍ଷ୍ୟରେ ପାକିସ୍ତାନ ନିୟମିତ ଭାବେ ଅସ୍ତ୍ରବିରତି ଉଲ୍ଲଙ୍ଘନ କରିଚାଲିଛି। ରିପୋର୍ଟ ଅନୁଯାୟୀ ପାକିସ୍ତାନ ଅଧିକୃତ କାଶ୍ମୀରର ଗୁରେଜ, ମାଛଲ, କେରନ େସକ୍ଟର, ଥଙ୍ଗଧର, ନଉଗାଁ, ଉରି ଓ ପୁଞ୍ଚ ଅଞ୍ଚଳରେ ଆତଙ୍କବାଦୀମାନେ ବହୁସଂଖ୍ୟାରେ ଏକତ୍ର ହୋଇଛନ୍ତି। ଚୀନ ସହିତ ଭାରତର ସୀମା ବିବାଦ ଲାଗି ରହିଥିବାବେଳେ ଏହାର ଫାଇଦା ଉଠାଇବା ଲାଗି ପାକିସ୍ତାନ ସେନା ଆତଙ୍କବାଦୀଙ୍କୁ ଅନୁପ୍ରବେଶ କରାଇବାକୁ ଯୋଜନା କରିଛି। ତେବେ ପାକିସ୍ତାନର ଏପରି ଯୋଜନାକୁ ପଣ୍ଡ କରିବା ଲାଗି ଭାରତ ସମ୍ପୂର୍ଣ୍ଣ ସଜାଗ ରହିଛି।
Comments are closed.