ବ୍ରହ୍ମପୁର : ପାରିବାରିକ କଳହ ଯୋଗୁ ୪୦ ଫୁଟ କୂଅ ଭିତରକୁ ଡେଇଁ ଆତ୍ମହତ୍ୟା ଉଦ୍ୟମ କରିଛନ୍ତି ସ୍ୱାମୀ ଓ ସ୍ତ୍ରୀ। ହେଲେ ସୌଭାଗ୍ୟବଶତଃ ସେମାନେ ବଞ୍ଚିଯାଇଛନ୍ତି। ଅଗ୍ନିଶମ ବିଭାଗ ଉଭୟଙ୍କୁ ଉଦ୍ଧାର କରି ଡାକ୍ତରଖାନାରେ ଭର୍ତ୍ତି କରିଛି। ବ୍ରହ୍ମପୁର ଶାସ୍ତ୍ରୀନଗର ୩ୟ ଲାଇନରେ ସୋମବାର ଅପରାହ୍ନରେ ଏହି ଘଟଣା ଘଟିଛି।
ମିଳିଥିବା ସୂଚନା ଅନୁସାରେ, ଶାସ୍ତ୍ରୀନଗରର ରାମଚନ୍ଦ୍ର ସାହୁ(୩୧) ଓ ପତ୍ନୀ ସୁନିତା ସାହୁ(୨୫)ଙ୍କ ମଧ୍ୟରେ ଅନେକ ସମୟରେ ଝଗଡା ହେଉଥିଲା। ଆଜି ଏହା ଚରମ ସ୍ଥିତିରେ ପହଁଞ୍ଚିଥିଲା। ପ୍ରଥମେ ସୁନିତା କୂଅ ଭିତରକୁ ଡେଇଁଥିବାବେଳେ ପରେ ତାଙ୍କ ସ୍ୱାମୀ ମଧ୍ୟ ଡେଇଁ ପଡ଼ିଥିଲେ। ଖବର ପାଇ ଅଗ୍ନିଶମ କର୍ମଚାରୀ ଘଟଣାସ୍ଥଳରେ ପହଂଚି ଉଭୟଙ୍କୁ ଉଦ୍ଧାର କରି ଚିକିତ୍ସା ପାଇଁ ଏମକେସିଜି ମେଡିକାଲରେ ଭର୍ତ୍ତି କରାଯାଇଛି ବୋଲି ଅଗ୍ନିଶମ କେନ୍ଦ୍ର ସହକାରୀ ଅଧିକାରୀ ସନାତନ ମହାପାତ୍ର କହିଛନ୍ତି।
