ଯାଜପୁର : ରାସାୟନିକ ସାର ବିଶେଷ କରି ୟୁରିଆ ସାରର ସୁଷମ ବଣ୍ଟନ ଓ କଳାବଜାରୀ ରୋକିବାକୁ ଜିଲାପାଳ ରଂଜନ କୁମାର ଦାସଙ୍କ ନିର୍ଦ୍ଦେଶ କ୍ରମେ ଜିଲାର ବିଭିନ୍ନ ସ୍ଥାନରେ ତନଖି କରାଯାଇଚ୍ଥି। ରାଜ୍ୟ ସରକାର କୃଷି ଓ କୃଷକ ସଶକ୍ତିକରଣ ପାଇଁ ବିବିଧ ପଦକ୍ଷେପ ନେଉଥିବା ପରିପ୍ରେକ୍ଷୀରେ ରାସାୟନିକ ସାର ସଠିକ ମୂଲ୍ୟରେ କୃଷକଙ୍କ ନିକଟରେ ଉପଲବ୍ଧ କରାଇବାକୁ ପ୍ରୟାସ କରିଚ୍ଥନ୍ତି । ତେବେ କେତେକ ସାର ବିକ୍ରୟ କେନ୍ଦ୍ରରୁ ମାତ୍ରାଧିକ ୟୁରିଆ ସାର କ୍ରୟ କରିଥିବା ୨୦ ଜଣ କୃଷକଙ୍କ ଆବଶ୍ୟକତା ଓ ଏହାର ଉପଯୋଗକୁ ତନଖି କରିବାକୁ ସରକାରଙ୍କ ନିର୍ଦ୍ଦେଶ ପରେ ଜିଲାପାଳ ଶ୍ରୀ ଦାସ ଯାଜପୁର ଅତିରିକ୍ତ ଜିଲାପାଳ ମିହିର ପ୍ରସାଦ ମହାନ୍ତି ଓ କଳିଙ୍ଗ ନଗର ଅତିରିକ୍ତ ଜିଲାପାଳ ସନ୍ତୋଷ କୁମାର ମିଶ୍ରଙ୍କୁ ଯଥାକ୍ରମେ ବଡଚଣା, ରସୁଲପୁର, ଦଶରଥପୁର ଏବଂ ଯାଜପୁର ରୋଡର ମୋଟ ୨୦ ଜଣ ଚାଷୀଙ୍କୁ ତନଖି ପାଇଁ ନିର୍ଦ୍ଦେଶ ଦେଇଥିଲେ । ଅତିରିକ୍ତ ଜିଲାପାଳ ଶ୍ରୀ ମହାନ୍ତି ଏକ ଟିମ୍ର ନେତୃତ୍ୱ ନେଇ ଚ୍ଥତିଆ, ବାଲିଚନ୍ଦ୍ରପୁର, ହରିପୁର, ରାମବାଗ, ଅଣ୍ଢେଇଗୋଡା ଇତ୍ୟାଦି ସ୍ଥାନର ଚାଷୀ ମାନଙ୍କ ଦ୍ୱାରା କ୍ରୟ କରାଯାଇଥିବା ୟୁରିଆ ସାରର ସ୍ଥିତି ସଂପର୍କରେ ଅନୁଧ୍ୟାନ କରିଥିଲେ । ସେହିପରି କଳିଙ୍ଗ ନଗର ଅତିରିକ୍ତ ଜିଲାପାଳ ଶ୍ରୀ ମିଶ୍ର ଅନ୍ୟ ଏକ ଟିମ୍ର ନେତୃତ୍ୱ ନେଇ ଯାଜପୁର ରୋଡ ଚାଷୀ ମାନଙ୍କର ଅନୁଧ୍ୟାନ କରିଥିଲେ । ବାସ୍ତବରେ ଚାଷ ଜମି ପାଇଁ ଆବଶ୍ୟକୀୟ ୟୁରିଆ ସାର ଠାରୁ ଏହି ଚାଷୀମାନେ ଅଧିକ କ୍ରୟ କରିଥିବାରୁ ଏହା ମାଧ୍ୟମରେ କଳାବଜାରର ଆଶଙ୍କା ରହିଚ୍ଥି । ଏହି ଚାଷୀ ମାନଙ୍କ ବିରୁଦ୍ଧରେ କାର୍ୟ୍ୟାନୁଷ୍ଠାନ ପାଇଁ ଉଭୟ ଅତିରିକ୍ତ ଜିଲାପାଳ ସୁପାରିଶ କରିଚ୍ଥନ୍ତି । ଏହି ତନଖିରେ କୃଷି ଉପନିର୍ଦ୍ଦେଶକ ଶରତ କୁମାର ପୃଷ୍ଟି, ପ୍ଳାଣ୍ଟ ପ୍ରୋଟେକ୍ସନ ଅଫିସର ଶ୍ରୀଧର ଦାସ, ଯାଜପୁର କୃଷି ଅଧିକାରୀ ବିମଳକାନ୍ତି ରପ୍ତାନ ଓ ଅନ୍ୟାନ୍ୟ କର୍ମଚାରୀମାନେ ଯୋଗ ଦେଇଥିଲେ ।
Popular Categories
Previous article
Next article