ନୂଆଦିଲ୍ଲୀ : କରୋନା ଭୂତାଣୁ ସମଗ୍ର ବିଶ୍ୱରେ ଆଲୋଡନ ସୃଷ୍ଟି କରିଛି । ସାରା ବିଶ୍ୱରେ କରୋନା ଟିକା ଏବଂ ଔଷଧ ନେଇ ଗବେଷଣା ଚାଲିଛି। ଇତି ମଧ୍ୟରେ ଫାର୍ମାସ୍ୟୁଟିକାଲ୍ କମ୍ପାନୀ ଜିଡସ୍ କ୍ୟାଡିଲା ଗୁରୁବାର ଦିନ କହିଛି ଯେ ରେମୋଡେକ୍ ବ୍ରାଣ୍ଡ ନାମରେ ଭାରତୀୟ ବଜାରରେ କରୋନା ଭୂତାଣୁ ସଂକ୍ରମିତ ରୋଗୀଙ୍କ ଚିକିତ୍ସା ପାଇଁ ଉପଯୋଗୀ ରେମେଡେଭିଆର୍ ଔଷଧ ଆଣିଛି।
କମ୍ପାନୀ ଷ୍ଟକ ମାର୍କେଟକୁ କହିଛି ଯେ ରେମଡେକର ୧୦୦ ମିଲଇଗ୍ରାମ ଭାଏଲର ମୂଲ୍ୟ ହେଉଛି ୨,୮୦୦ ଟଙ୍କା, ଯାହା ହେଉଛି ଭାରତରେ ଉପଲବ୍ଧ ରେମଡେସିଭରର ସବୁଠାରୁ ଶସ୍ତା ବ୍ରାଣ୍ଡ ଅଟେ। ଜିଡସ୍ କ୍ୟାଡିଲା କହିଛି ଯେ, ଏହି ଔଷଧ ଏହାର ବିତରଣ ନେଟୱାର୍କ ମାଧ୍ୟମରେ ସାରା ଦେଶରେ ଉପଲବ୍ଧ ହେବ। ଏହି ଔଷଧ ସରକାରୀ ଏବଂ ବେସରକାରୀ ଡାକ୍ତରଖାନାରେ ମିଳିବ।
କ୍ୟାଡିଲା ହେଲଥ କେୟାରର ପରିଚାଳନା ନିର୍ଦ୍ଦେଶକ ଡକ୍ଟର ଶର୍ଭିଲ ପଟେଲ କହିଛନ୍ତି ଯେ ରେମଡାକ ହେଉଛି ସବୁଠାରୁ ଶସ୍ତା ଔଷଧ, ଯେହେତୁ ଆମେ ଚାହୁଁ ଯେ ଏହି ଔଷଧ କୋଭିଡ -୧୯ ଚିକିତ୍ସାରେ ଯଥାସମ୍ଭବ ରୋଗୀଙ୍କ ନିକଟରେ ପହଞ୍ଚୁ।
ଏହି ଔଷଧ ପାଇଁ ସକ୍ରିୟ ଔଷଧ ଉପାଦାନ କମ୍ପାନୀ (ଇଚଓ) ଗୋଷ୍ଠୀର ଗୁଜୁରାଟ ୟୁନିଟରେ ପ୍ରସ୍ତୁତ କରାଯାଇଛି ଜ୍ଝ ଜିଡସ୍ କ୍ୟାଡିଲା ମଧ୍ୟ କୋଭିଡ -୧୯ର ଏକ ଟିକା ପ୍ରସ୍ତୁତ କରିବାକୁ ଚେଷ୍ଟା କରୁଛନ୍ତି ଏବଂ ଜାଇକୋଭ-ଡି ନାମକ ଟିକା କ୍ଲିନିକାଲ ପରୀକ୍ଷଣର ଦ୍ୱିତୀୟ ପର୍ୟ୍ୟାୟରେ ଅଛି।
ସୂଚନାଯୋଗ୍ୟ, ଦେଶରେ କରୋନା ଭୂତାଣୁ ସଂକ୍ରମଣ ମାମଲା କ୍ରମାଗତ ଭାବରେ ବଢି ଚାଲିଛି । ଗୁରୁବାର ଦିନ ସଂକ୍ରମିତ ନୂଆ ମାମଲା ରେକର୍ଡ ସୃଷ୍ଟି କରିଛି । ୬୬,୯୯୯ ଟି ନୂଆ ମାମଲା ଚିହ୍ନଟ ହୋଇଛି।
ଏହା ହେଉଛି ଷଷ୍ଠ ଦିନରେ ୬୦,୦୦୦ରୁ ଅଧିକ ନୂତନ ମାମଲା ରିପୋର୍ଟ ହୋଇଛି। ଏଥି ସହିତ ସଂକ୍ରମିତ ରୋଗୀଙ୍କ ସଂଖ୍ୟା ୨୩ ଲକ୍ଷ ୯୬ ହଜାର ଅତିକ୍ରମ କରିଛି। ତେବେ ଆଶ୍ବସ୍ତି କର କଥା ହେଉଛି ସଂକ୍ରମଣରୁ ମୁକ୍ତି ପାଇଥିବା ଲୋକଙ୍କ ସଂଖ୍ୟା ପାଖାପାଖି ୧.୭ ମିଲିୟନରେ ପହଞ୍ଚିଛି ।
