ସୁଶାନ୍ତ ମୃତ୍ୟୁ ପ୍ରସଙ୍ଗ: ବିଜେପି ସାଂସଦ ସୁବ୍ରମଣ୍ୟମ ସ୍ବାମୀ ଦେଲେ ଏମିତି ବୟାନ

ନୂଆଦିଲ୍ଲୀ: ସୁଶାନ୍ତ ସିଂହ ରାଜପୁତ ମାମଲାରେ ନିୟମିତ ସ୍ବର ଉଠାଉଥିବା ବିଜେପି ସାଂସଦ ସୁବ୍ରମଣ୍ୟମ ସ୍ବାମୀ ଆଜି ଦେଇଛନ୍ତି ଏକ ବଡ଼ ବୟାନ । ସେ ନିଜ ଟ୍ବିଟରରେ ଏ ସମ୍ପର୍କରେ ଉଲ୍ଲେଖ କରି ପୋଷ୍ଟମର୍ଟମ କରିଥିବା ଡ଼ାକ୍ତରଙ୍କ ଭୂମିକା ଉପରେ ସନ୍ଦେହବ୍ୟକ୍ତ କରିଛନ୍ତି । ସେ କହିଛନ୍ତି ଯେ ସିବିଆ କୁପର ହସପିଟାଲର ସେହି ୫ ଜଣ ଡ଼ାକ୍ତରଙ୍କୁ ଜେରା କରିବା ଉଚିତ୍, ଯେଉଁମାନେ ସୁଶାନ୍ତଙ୍କ ଶବ ବ୍ୟବଚ୍ଛେଦ କରିଥିଲେ । ସେଠାରେ ନିଶ୍ଚିତ କିଛି ବଡ଼ ସୂଚନା ମିଳି ପାରିବ ।

CBI will find it worthwhile to grill the Dr. R.C. Cooper Muncipal Hospital the five doctors who did the autopsy. According to the Ambulance staff that took SSR’s body to the hospital, SSR’s feet was twisted below his ankle (as if it was broken). Case is unravelling!!

— Subramanian Swamy (@Swamy39) August 10, 2020

ସୁବ୍ରମଣ୍ୟମ ସ୍ବାମୀ ଟ୍ବିଟ୍ କରିଛନ୍ତି ଯେ ସୁଶାନ୍ତଙ୍କ ଶବକୁ ଡ଼ାକ୍ତରଖାନା ନେଇଥିବା ଆମ୍ବୁଲାନ୍ସ କର୍ମଚାରୀଙ୍କ ଅନୁସାରେ ତାଙ୍କର ପାଦ ମୋଡ଼ି ହୋଇ ରହିିଥିଲା, ଅର୍ଥାତ୍ ଭାଙ୍ଗି ଯାଇଥିଲା । ଏହି ମାମଲା ସହଜରେ ଗ୍ରହଣ କରିହେଉ ନାହିଁ ।

ଏହା ପୂର୍ବରୁ ସୁଶାନ୍ତ ମୃତ୍ୟୁ ମାମଲାରେ କଙ୍ଗନାଙ୍କ ବୟାନକୁ ଶ୍ରୀ ସ୍ବାମୀ ସମର୍ଥନ କରି ତାଙ୍କୁ ଆଇନଗତ ସହାୟତା ଯୋଗାଇ ଦେବାକୁ କହିଥିଲେ । ଅନ୍ୟପକ୍ଷରେ ସୁଶାନ୍ତଙ୍କ ସମ୍ପତ୍ତି ମାମଲାର ତଦନ୍ତ କରୁଥିବା ପ୍ରବର୍ତନ ନିର୍ଦେଶାଳୟ ମନି ଲଣ୍ଡରିଂ ମାମଲାରେ ରିୟା ଓ ତାଙ୍କର ପରିବାରକୁ ଜେରାକରିଛି । ସୁଶାନ୍ତଙ୍କ ବାପା ରିୟାଙ୍କ ଉପରେ ୧୫ କୋଟି ଟଙ୍କା ହଡ଼ପ କରିଥିବ ଅଭିଯୋଗ ଆଣିଛନ୍ତି ।