ସଞ୍ଜୟ ଦତ୍ତଙ୍କ ଜୀବନ କାହାଣୀ ଉପରେ ଆଧାରିତ ଚଳଚ୍ଚିତ୍ର “ସଞ୍ଜୁ” ବକ୍ସ ଅଫିସରେ ରେକର୍ଡ଼ ପରେ ରେକର୍ଡ଼ ସୃଷ୍ଟି କରିଚାଲିଛି। ହେଲେ ଏହି ଚଳଚ୍ଚିତ୍ରରର ଏକ ଗୀତ ରିଲିଜ୍ ହେବା ବାକି ରହିଥିଲା। ଏହି ଗୀତକୁ ୟୁଟ୍ୟୁବ୍ରେ ରିଲିଜ୍ କରାଯାଇଛି। ଏହି ଗୀତ ବହୁତ ଖାସ କାରଣ ଏଥିରେ ପ୍ରଥମ ଥର ପାଇଁ ଚଳଚ୍ଚିତ୍ରର ସଞ୍ଜୁ(ରଣବୀର କପୁର) ଓ ବାସ୍ତବର ସଞ୍ଜୁ (ସଞ୍ଜୟ ଦତ୍ତ)ଙ୍କୁ ଏକାଠି ଦେଖିବାକୁ ମିଳିଛି। ଗୀତର ଶବ୍ଦ ସଞ୍ଜୋଜନା ବହୁତ ମନୋରମ ହୋଇଛି, ବାବା ବୋଲତା ହୈ ବସ୍ ହୋ ଗୟା…। ଏହି ଗୀତକୁ ପୁନିତ୍ ଶର୍ମା, ଅଭିଜିତ୍ ଯୋଶୀ ଓ ରୋହନ ଗୋଖ୍ଲେ ଲେଖିଛନ୍ତି। ଗୀତର ପୃଷ୍ଠଭୂମି ଖବର କାଗଜ ଭଳି କରାଯାଇଛି। କଳା ଓ ଧଳା ପୋଷାକରେ ରଣବୀର ପ୍ରଥମ ଥର ପାଇଁ ସଞ୍ଜୟ ଦତ୍ତଙ୍କ ସହ ତାଳରେ ତାଳ ଦେଇ ଝୁମୁ ଥିବାର ନଜର ଆସିଛନ୍ତି। ଏହି ଚଳଚ୍ଚିତ୍ରର ସବୁ ଗୀତ ଗୁଡ଼ିକ ବହୁ ଲୋକପ୍ରିୟତା ହାସଲ କରିଛି। ଏହି ଚଳଚ୍ଚିତ୍ରରେ ରଣବୀର ଅଭିନୟକୁ ନେଇ ପ୍ରଶଂସିତ ହୋଇଛନ୍ତି। ଅମୀର ଖାନ “ସଞ୍ଜୁ” ବିଷୟରେ ମତାମତ ଦେଇ ଟ୍ୱିଟ୍ କରିଛନ୍ତି ଯେ, “ ସଞ୍ଜୁ ବହୁତ ଭଲ ଲାଗିଲା। ଏଥିରେ ଥିବା ବାପ,ପୁଅ ଓ ଦୁଇ ବନ୍ଧୁଙ୍କର ଭାବ ଭରା କାହାଣୀ ସତରେ ମନକୁ ଛୁଇଁ ପାରିଛି। ରଣବୀର ବାସ୍ତବରେ ପ୍ରଶଂସା ଯୋଗ୍ୟ କାମ କରିଛନ୍ତି ଓ ବିକି କୌଶଲ ତ ମନ ହିଁ କିଣି ନେଲେ”।
Popular Categories
Previous article
Next article