ରେଢାଖୋଲ: ୫୫ ନଂ ଜାତୀୟ ରାଜପଥ ଚାରମାଳ ଥାନା ଚାଟୁଣି ନିକଟରେ ସୋମବାର ଅପରାହ୍ନ ୨ଟା ବେଳେ ଏକ ସଡକ ଦୁର୍ଘଟଣାରେ ଜଣଙ୍କର ମୃତ୍ୟୁ ହୋଇଥିବା ବେଳେ ୩ଜଣ ଆହତ ହୋଇଛନ୍ତି । ମୃତ ମହିଳା ଜଣକ ହେଲେ ଢେଙ୍କାନାଳ ଖମାର ସାହିର ଅମ୍ରିତା ସାମଲ(୭୨) ।
ଓଆର.୦୨.ବିଏମ.୨୨୯୦ନମ୍ବର ବିଶିଷ୍ଟ କାରରେ ଏହି ବ୍ୟକ୍ତିମାନେ ଢେଙ୍କାନାଳ ନିଜ ଘର ଖମାର ସାହିରୁ ସମ୍ବଲପୁର ଅଭିମୁଖେ ଯାଉଥିଲେ। ଗାଡିଟି ୫୫ ନଂ ଜାତୀୟ ରାଜପଥ ଚାରମାଳ ଥାନା ଚାଟୁଣୀ ନିକଟରେ ନିର୍ମାଣଧୀନ ଏକ ପୋଲ ନିକଟରେ ଭାରସାମ୍ୟ ହରାଇ ଦୁର୍ଘଟଣାଗ୍ରସ୍ତ ହୋଇଥିଲା । ଫଳରେ କାରରେ ଥିବା ସୁଶାନ୍ତ ସାମଲ(୪୨)ତାଙ୍କ ସ୍ତ୍ରୀ ଅନ୍ନପୁର୍ଣ୍ଣା ଓ ପୁଅ ସାଦଭିକ(୭)ଆହତ ହୋଇଥିଲେ । ସୁଶାନ୍ତଙ୍କ ମା ଅମ୍ରିତା ସାମଲ ଗୁରୁତର ଆହତ ହୋଇଥିଲେ । ଦୁର୍ଘଟଣାର ଖବର ପାଇ ଚାରମାଳ ପୁଲିସ ଘଟଣା ସ୍ଥଳକୁ ପହଞ୍ଚି ଆହତମାନଙ୍କୁ ଉଦ୍ଧାର କରି ଚିକିତ୍ସା ପାଇଁ ରେଢ଼ାଖୋଲ ଡାକ୍ତରଖାନାରେ ଭର୍ତ୍ତି କରିଥିଲା । ଅମ୍ରିତାଙ୍କ ମୃତ୍ୟୁ ହୋଇଯାଇଥିବା ଡାକ୍ତର ଘୋଷଣା କରିଥିଲେ ।ଏନେଇ ଚାରମାଳ ଥାନାରେ ଏକ ଦୁର୍ଘଟଣା ଜନିତ ମାମଲା ରୁଜୁ ହୋଇଛି ।