କରୋନା ଯୋଦ୍ଧା ପୁଲିସ ଅଧିକାରୀଙ୍କୁ ବିଜେପିର ସଂବର୍ଦ୍ଧନା

ପିପିଲି : ମହାମାରୀ କରୋନା ମୁକାବିଲାରେ କାର୍ଯ୍ୟରତ ପିପିଲି ଥାନାର କରୋନା ଯୋଦ୍ଧା ପୁଲିସ ବାହିନୀକୁ ସୋମବାର ଜିଲା ବିଜେପି ପକ୍ଷରୁ ସଂବର୍ଦ୍ଧିତ କରାଯାଇଛି । ପୁରୀ ଜିଲା ବିଜେପି ସଭାପତି ତଥା ପିପିଲି ବ୍ଲକ ପୂର୍ବତନ ଅଧ୍ୟକ୍ଷ ଆଶ୍ରିତ ପଟ୍ଟନାୟକ ଆଜି ସାମାଜିକ ଦୂରତାକୁ ଗୁରୁତ୍ୱ ଦେଇ ପିପିଲି ଏସ୍‍ଡିପିଓ ଦେବଦତ୍ତ ବରାଳ, ଆଇଆଇସି ଶରତ କୁମାର ସାହୁ, ଏସ୍‍ଆଇ ସନ୍ଦୀପ କୁମାର ଦାସ, ସୁରମା ସ୍ୱାଇଁ, ସଂଘମିତ୍ରା ଚାନ୍ଦ, ଏଏସଆଇ ଶେଷଦେବ ସୁବୁଦ୍ଧି, ରବିନ୍ଦ୍ର ନାୟକ, ସାନ୍ତନୁ ନାୟକ, ଗଙ୍ଗାଧର ପ୍ରଧାନ, ଚିତ୍ତରଞ୍ଜନ ମହାରାଣା ପ୍ରମୁଖଙ୍କୁ ଉତ୍ତରୀୟ ସହ ଅଭିନନ୍ଦନ ପତ୍ର ଦେଇ ଧନ୍ୟବାଦ ଅର୍ପଣ କରିଥିଲେ। ଆଇଆଇସି ଶ୍ରୀ ସାହୁ ଅଭିନନ୍ଦନ ପତ୍ର ଗ୍ରହଣ କରି ନିଜ ପ୍ରତିକ୍ରୀୟାରେ ଲକ୍‍ଡାଉନ କଟକଣାକୁ ମାନିଥିବାରୁ ପିପିଲିବାସୀଙ୍କୁ ସେ ସାଧୁବାଦ ଦେବା ସହ ବର୍ତ୍ତମାନ ସମୟରେ ଆମେ ପ୍ରତ୍ୟେକ ନିଜକୁ ଜଣେ ଜଣେ ଯୋଦ୍ଧା ଭାବି ସେହି ଅନୁସାରେ ନିଜର ଦାୟିତ୍ୱ ଓ କର୍ତ୍ତବ୍ୟ ଜାରି ରଖିଲେ ନିଶ୍ଚିତ ଭାବେ କରୋନା ହାରିବ ବୋଲି କହିଛନ୍ତି। ଏଥିସହ ବ୍ଲକ ପଶୁଚିକିତ୍ସା ଅଧିକାରୀ ସୁରେଶ ଚନ୍ଦ୍ର ବେହେରାଙ୍କୁ ମଧ୍ୟ ତାଙ୍କ କାର୍ଯ୍ୟାଳୟରେ ସମ୍ମାନିତ କରାଯାଇଥିଲା।