ଭୁବନେଶ୍ଵର: ରାଜ୍ୟର ଆଉ ୩ଟି ଜିଲାକୁ କରୋନା ଭୂତାଣୁ ଡେଇଁଛି। ବୁଧବାର ଏହି ୩ ଜିଲାରେ ଜଣେ ଲେଖାଏ ଆକ୍ରାନ୍ତ ଚିହ୍ନଟ ହୋଇଛନ୍ତି। ଫଳରେ ଏହି ୩ ଆକ୍ରାନ୍ତଙ୍କୁ ମିଶାଇ ରାଜ୍ୟରେ ମୋଟ ସଂକ୍ରମିତଙ୍କ ସଂଖ୍ୟା ୧୨୨ରେ ପହଞ୍ଚିଛି।
ସ୍ବାସ୍ଥ୍ୟ ବିଭାଗ ୱେବସାଇଟ୍ରେ ଦର୍ଶାଯାଥିବା ତଥ୍ୟ ଅନୁସାରେ, ୩ ନୂଆ ଆକ୍ରାନ୍ତ କେନ୍ଦୁଝର, ଦେବଗଡ଼ ଏବଂ ଝାରସୁଗୁଡ଼ା ଜିଲାର। ଫଳରେ ଏହି ୩ ଜିଲା ଏବେ କରୋନା ପ୍ରଭାବିତ ଜିଲା ମଧ୍ୟରେ ସାମିଲ ହେବା ସହିତ ମୋଟ ୧୪ ଜିଲାରେ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି।
- Advertisement -
ବୁଧବାର ସକାଳେ ଭୁବନେଶ୍ଵରରେ ଜଣେ କରୋନା ଆକ୍ରାନ୍ତ ଚିହ୍ନଟ ହୋଇଥିଲେ। ଫଳରେ ଆଜି ଅପରାହ୍ନ ୧ଟା ସୁଦ୍ଧା ରାଜ୍ୟରେ ୪ ସଂକ୍ରମିତ ଚିହ୍ନଟ ହୋଇଛନ୍ତି। ଭୁବନେଶ୍ଵରରେ ଚିହ୍ନଟ ଆକ୍ରାନ୍ତଙ୍କ ଘର ମଧୁସୂଦନ ନଗର ଅଞ୍ଚଳରେ। ତାଙ୍କ ବୟସ ୭୭ ବର୍ଷ। ସେ ରାଜ୍ୟର ୪୧ ନମ୍ବର କରୋନା ସଂକ୍ରମିତଙ୍କ ସମ୍ପର୍କୀୟ। ଆଜିର ଆକ୍ରାନ୍ତଙ୍କୁ ମିଶାଇ ଖୋର୍ଦ୍ଧା ଜିଲାରେ ମୋଟ ଆକ୍ରାନ୍ତଙ୍କ ସଂଖ୍ୟା ୪୭କୁ ବୃଦ୍ଧି ପାଇଛି।
