ସାକ୍ଷୀଗୋପାଳ : ସତ୍ୟବାଦୀ ବ୍ଲକରେ କାର୍ୟ୍ୟରତ କରୋନା ଯୋଦ୍ଧାମାନଙ୍କୁ ଆଜି ପେଣ୍ଠପଡା ପଞ୍ଚାୟତ କାର୍ୟ୍ୟାଳୟ ପରିସରରେ ସମ୍ବର୍ଦ୍ଧନା ପ୍ରଦାନ କରାଯାଇଛି। ଏହି ପଞ୍ଚାୟତର ସାମାଜିକକର୍ମୀମାନେ ଏହି ସମ୍ବର୍ଦ୍ଧନା ପ୍ରଦାନକରି ଉଦାହରଣ ସୃଷ୍ଟି କରିଛନ୍ତି। ତହସିଲଦାର କସ୍ତୁରୀ ପ୍ରଧାନ, ବି.ଡି.ଓ ସରୋଜ କୁମାର ଦତ୍ତ, ଆଇଆଇସି ଦେବୀ ପ୍ରସାଦ ପାତ୍ର, ଭାରପ୍ରାପ୍ତ ଚିକିତ୍ସାଧିକାରୀ ଡାକ୍ତର ବିଶ୍ୱଜିତ ମିଶ୍ର, ୱାର୍ଡ ସ୍ବେଚ୍ଛାସେବୀ ସଂଗଠନର ନୋଡାଲ ଅଧିକାରୀ ସୁନୀଲ କୁମାର ପଣ୍ଡା, ଅଗ୍ନିଶମ ଅଧିକାରୀ ମନୋଜ କୁମାର ପାତ୍ର, ଫାର୍ମାସିଷ୍ଟ ସୁରେଶ ଚନ୍ଦ୍ର ନନ୍ଦ, ସରପଞ୍ଚ ବାସନ୍ତୀ ବେହେରା, ସମିତି ସଭ୍ୟା ଗୀତାରାଣୀ ଭୋଇ, ପଞ୍ଚାୟତ କାର୍ୟ୍ୟ ନିର୍ବାହୀ ଅଧିକାରୀ, ଆଶା କର୍ମୀ, ଅଙ୍ଗନବାଡି କର୍ମୀ, ଗଣମାଧ୍ୟମ ପ୍ରତିନିଧି ଓ ୱାର୍ଡ ମେମ୍ବର ପ୍ରମୁଖଙ୍କୁ ଉତ୍ତରୀୟ ଓ ଫୁଲ ତୋଡ଼ା ପ୍ରଦାନ କରାଯାଇ ସମ୍ବର୍ଦ୍ଧନା ଜ୍ଞାପନ କରାଯାଇଥିଲା। ଏହି ପଞ୍ଚାୟତର ସାମାଜିକକର୍ମୀ ପୂର୍ଣ୍ଣଚନ୍ଦ୍ର ପ୍ରଧାନ, ଅନିଲ କୁମାର ସାହୁ, ପ୍ରତାପ ମହାଭୋଇ, ଦେବାଶିଷ ହୋତା ଓ ଅଜୟ ମହାପାତ୍ର ପ୍ରମୁଖଙ୍କ ସହିତ ଅନ୍ୟମାନେ କାର୍ୟ୍ୟକ୍ରମ ପରିଚାଳନା କରିଥିଲେ।
Popular Categories
Previous article
Next article