କଟକ : କଟକ ବଡ଼ ଡାକ୍ତରଖାନାରେ ସୋମବାର ୩୦୦ରୁ ଊର୍ଦ୍ଧ୍ବ କରୋନା ସନ୍ଦିଗ୍ଧଙ୍କ ସ୍ୱାବ ପରୀକ୍ଷା ହୋଇଥିବା ଜଣାପଡିଛି। କଟକ ଜିଲା ସମେତ ଯାଜପୁର, ଜଗତସିଂହପୁର, ଭଦ୍ରକ, ପୁରୀ, ବାଲେଶ୍ୱର ଓ ଢେଙ୍କନାଳ ପ୍ରଭୃତି ଜିଲାରୁ ଆସିଥିବା ନମୁନାଗୁଡିକ ଦୁଇଟି ପର୍ଯ୍ୟାୟରେ ଏସ୍ସିବିରେ ପରୀକ୍ଷା କରାଯାଇଥିଲା। ଏସ୍ସିବିରେ ପ୍ରତିଦିନ ଦୁଇଟି ଲ୍ୟାବ(କାଇକ୍ରୋବାଇଓଲୋଜି ଓ ବାଇଓକେମିଷ୍ଟ୍ରି)ରେ ଡାକ୍ତର ଓ କର୍ମଚାରୀଙ୍କ ଦ୍ୱାରା ଏହି ସ୍ୱାବ ପରୀକ୍ଷା କରାଯାଉଛି। ଦୁଇଟି ମେସିନ ସହାୟତାରେ ପରୀକ୍ଷା କରାଯାଉଥିବାରୁ ରାଜ୍ୟ ସରକାର ପର୍ଯ୍ୟାପ୍ତ ପରିମାଣ କିଟ ଯୋଗାଇ ଦେଇଛନ୍ତି। କିଟ ନେଇ ଏସସିବିରେ ବର୍ତ୍ତମାନ କୌଣସି ସମସ୍ୟା ନାହିଁ। ପ୍ରତିଦିନ ଏସ୍ସିବିରେ ଅଧିକରୁ ଅଧିକ ସ୍ବାବ ପରୀକ୍ଷା ପାଇଁ ପ୍ରଶାସନ ପକ୍ଷରୁ ସମସ୍ତ ପ୍ରକାର ପ୍ରୟାସ ଚାଲିଛି। ଏହି ପରୀକ୍ଷା ପାଇଁ ଆବଶ୍ୟକ ରାଇବୋ ନ୍ୟୁକ୍ଲିକ ଏସିଡ(ଆରଏନଏ)କିଟସ ଏସସିବିରେ ପର୍ଯ୍ୟାପ୍ତ ପରିମାଣରେ ରହିଥିବା ବିଶେଷ ସୂତ୍ରରୁ ଜଣାପଡିଛି।
Popular Categories
Previous article
Next article