ନୂଆଦିଲ୍ଲୀ: ପାକିସ୍ତାନ ପକ୍ଷରୁ ଭାରତକୁ ଆତଙ୍କବାଦୀ ପଠାଇବା ଉଦ୍ୟମର ଭାରତ କଡା ଜବାବ ଦେଇଛି। ଭାରତସୀମାରେ ପ୍ରବେଶ ପୂର୍ବରୁ ଏଲଓସି ନିକଟରେ ଥିବା ସେମାନଙ୍କ ଲଂଚ ପ୍ୟାଡକୁ ଧ୍ବଂସ କରୁଛି ଭାରତ। ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଏ ନେଇ ସୂଚନା ଦେଇଛନ୍ତି। ବିଶ୍ବବାସୀଙ୍କ ଭାରତବାସୀ କରେନା ସଂକ୍ରମଣ ବିରୋଧରେ ଲଢ଼ୁଥିବା ବେଳେ ପାକିସ୍ତାନ ଆତଙ୍କବାଦକୁ ପ୍ରୋତ୍ସାହନ ଦେବାକୁ ବନ୍ଦ କରିନାହିଁ। ବରଂ ଏହି ସମୟରେ ଭାରତରେ ଆତଙ୍କବାଦୀ ପୁରାଇବାକୁ ଉଦ୍ୟମ ଜୋରଦାର କରିଛି। ଗତ କିଛି ଦିନ ହେବ ଜମ୍ମୁକାଶ୍ମୀରରେ ଏଭଳି ଘଟଣା ନଜର ଆସିବା ପରେ ଭାରତୀୟ ସେନା ଏହାର କଡା ଜବାବ୍ ଦେଉଛି ବୋଲି ପ୍ରତିରକ୍ଷା ମନ୍ତ୍ରୀ ଶ୍ରୀ ସିଂ କହିଛନ୍ତି।
ଆତଙ୍କବାଦୀଙ୍କ ଭାରତସୀମାକୁ ପ୍ରବେଶ କରାଇବା ପାଇଁ ଏଲଓସି ନିକଟରେ ଥିବା ଲଂଚ ପ୍ୟାଡରେ ପ୍ରସ୍ତୁତ କରୁଛନ୍ତି। ଗୁଇନ୍ଦା ସୂଚନା ଆଧାରରେ ଲଂଚ ପ୍ୟାଡ ଉପରେ ଭାରତୀୟ ସେନା ପକ୍ଷରୁ ରକେଟ ମାଡ କରାଯାଇ ଧ୍ବଂସ କରାଯାଉଥିବା ଶ୍ରୀ ସିଂ ସୂଚନା ଦେଇଛନ୍ତି। ଏଠାରେ ସୂଚନା ଯୋଗ୍ୟ ଯେ ପାକିସ୍ତାନରେ ଅନେକ ଆତଙ୍କବାଦୀ କରୋନାରେ ସଂକ୍ରମିତ ହୋଇଥିବା ବେଳେ ସେମାନଙ୍କୁ ଭାରତସୀମାରେ ପ୍ରବେଶ କରାଇ କରୋନା ବିସ୍ତାର କରିବାକୁ ପାକିସ୍ତାନ ଯୋଜନା କରିଥିବା ଜଣାପଡିଛି।
