ଜେନେଭା: ବୈଶ୍ବିକ ମହାମାରୀ କରୋନା କବଳରେ ପୃଥିବୀର ୨ଶହରୁ ଊର୍ଧ୍ବ ଦେଶ କବଳିତ । ସଂକ୍ରମିତଙ୍କୁ ବଞ୍ଚାଇବା ପାଇଁ ଦିନରାତି ଏକ କରିଦେଇଛନ୍ତି ଡ଼ାକ୍ତର, ନର୍ସ ଓ ଅନ୍ୟ ସ୍ବାସ୍ଥ୍ୟକର୍ମୀମାନେ । ମାତ୍ର ବିଶ୍ବ ସ୍ବାସ୍ଥ୍ୟ ସଙ୍ଗଠନର ପରିସଂଖ୍ୟାନ ଅନୁସାରେ ସ୍ବାସ୍ଥ୍ୟ ସେବା କ୍ଷେତ୍ରରେ କାର୍ଯ୍ୟ କରୁଥିବା ବ୍ୟକ୍ତିମାନେ ମଧ୍ୟ କରୋନାରୁ ମୁକ୍ତି ପାଇ ପାରିନାହାନ୍ତି । ଚିକିତ୍ସା କରିବା ବେଳେ ପୃଥିବୀର ୫୨ ଦେଶର ପ୍ରାୟ ୨୨ହଜାର ସ୍ବାସ୍ଥ୍ୟ କର୍ମୀ କରୋନା ଆକ୍ରାନ୍ତ ହୋଇଛନ୍ତି । ବିଶ୍ବ ସ୍ବାସ୍ଥ୍ୟ ସଙ୍ଗଠନ ପକ୍ଷରୁ ପ୍ରକାଶିତ ‘ଡ଼େଲି ସିଚୁଏସନ ରିପୋର୍ଟ’ରେ ଏହା ପ୍ରକାଶିତ ହୋଇଛି । ଏହି ତଥ୍ୟ ଆଧାରରେ ଏପ୍ରିଲ ୮ ତାରିଖ ସୁଦ୍ଦା ସାରା ବିଶ୍ବରେ ୨୨୦୭୩ ଜଣ ଡ଼ାକ୍ତର ଓ ଅନ୍ୟ କର୍ମଚାରୀ କରୋନା ଭୂତାଣୁ ଦ୍ବାରା ସଂକ୍ରମିତ ହୋଇଛନ୍ତି । ତେଣୁ ସେମାନଙ୍କୁ ପିପିଇ (ପସୋର୍ର୍ନାଲ ପ୍ରୋଟେକ୍ସିଭ୍ ଇକ୍ୟୁପମେଣ୍ଟ) ତୁରନ୍ତ ଯୋଗାଇ ଦେବା ଆବଶ୍ୟକ ବୋଲି ବିଶ୍ବ ସ୍ବାସ୍ଥ୍ୟ ସଙ୍ଗଠନ ପରାମର୍ଶ ଦେଇଛି ।
Popular Categories
Previous article
Next article