ଭୁବନେଶ୍ବର (ବ୍ୟୁରୋ) : କରୋନା ଏକ କ୍ରିକେଟ୍ ନୁହେଁ । କୋଭିଡ୍ ହସ୍ପିଟାଲ ଓ ଲାବୋରେଟାରୀ ଆଗରେ ଓବି ଭ୍ୟାନ୍ ଠିଆ କରାଇବାର ସମୟ ନୁହେଁ। ଏହି ଯୁଦ୍ଧ ୨୧ ଦିନରେ ସରିଯିବ ନାହିଁ । ଏହି ଯୁଦ୍ଧ କେବଳ ସରକାରଙ୍କର ନୁହେଁ । ସମାଜର ପ୍ରତିଟି ମଣିଷର ବ୍ୟକ୍ତିଗତ ଓ ସାମୂହିକ ଯୁଦ୍ଧ। ଏଥିପାଇଁ ସମସ୍ତଙ୍କୁ ଧୈର୍ଯ୍ୟ ଓ ବିଶ୍ୱାସ ରଖିବାକୁ ପଡ଼ିବ। ସମସ୍ତଙ୍କୁ ଶକ୍ତି ସଞ୍ଚୟ କରିବାକୁ ପଡ଼ିବ। ଏପରି ସ୍ଥିତିରେ କ୍ରିକେଟ୍ ମ୍ୟାଚରେ ପ୍ରତି ବଲର ସମୀକ୍ଷା ହେବା ପରି ସରକାରଙ୍କ ପ୍ରତ୍ୟେକ ନିଷ୍ପତ୍ତିର ସମୀକ୍ଷା କରନ୍ତୁ ନାହିଁ । ବର୍ତ୍ତମାନ ସମୟ ଆବଗର ସମୟ ନୁହେଁ, ପ୍ରତ୍ୟୟର ସମୟ । କରୋନା ବିପଦ ନ ଯିବା ପର୍ଯ୍ୟନ୍ତ ପ୍ରତ୍ୟେକ ଦିନ ଗଣମାଧ୍ୟମକୁ ଆବଶ୍ୟକୀୟ ତଥ୍ୟ ପ୍ରଦାନ କରାଯିବ। ସଠିକ୍ ଖବର ସଠିକ୍ ସମୟରେ ପ୍ରଦାନ ପହଞ୍ଚାଇ ଦିଆଯିବ, ମାତ୍ର ଆପାତକାଳୀନ ସ୍ଥିତିରେ ସବୁଖବର ସଙ୍ଗେସଙ୍ଗେ ଦିଆଯାଇ ପାରିବା ସମ୍ଭବ ନୁହେଁ । ବୃହତ୍ତର ଜନସ୍ବାର୍ଥକୁ ଦଷ୍ଟିରେ ରଖି ସରକାର ପଦକ୍ଷେପ ଗ୍ରହଣ କରୁଛନ୍ତି । ଯେଉଁଠି ଜନହିତରେ ଜଣେ ବ୍ୟକ୍ତିଙ୍କ ସମ୍ପର୍କରେ ବିବରଣୀ ଦିଆଯିବାର ଆବଶ୍ୟକତା ରହିଛି ତାହାକୁ ଆମେ ଦେବୁ । ମାତ୍ର ଯେଉଁଠି ଜନହିତ ପ୍ରତି ଆଶଙ୍କା ରହିଛି ସେଠାରେ ବ୍ୟକ୍ତିଗତ ବିବରଣୀ ଦେବୁନାହିଁ । ଏଥିପାଇଁ ସମୀକ୍ଷାର ଆବଶ୍ୟକତା ନାହିଁ କିମ୍ବା ସମାଲୋଚନାର ଆବଶ୍ୟକତା ନାହିଁ ବୋଲି କହିଛନ୍ତି ରାଜ୍ୟ କୋବିଦ-୧୯ (କରୋନା) ମୁଖ୍ୟ ମୁଖପାତ୍ର ସୁବ୍ରତ ବାଗଚୀ। ରାଜ୍ୟର କରୋନା ସ୍ଥିତି ସମ୍ପର୍କରେ ସୂଚନା ଦେବା ଅବସରରେ ସ୍ଥିତି, କାଳ ବିଚାର କରିବାକୁ ଗଣମାଧ୍ୟମକୁ ପରାମର୍ଶ ଦେଇଛନ୍ତି ଶ୍ରୀ ବାଗଚୀ। ଏହାବ୍ୟତୀତ ୯ ତାରିଖ ଅପରାହ୍ନ ସୁଦ୍ଧା ରାଜ୍ୟରେ ୪୪ ଜଣ କୋଭିଡ୍-୧୯ରେ ଆକ୍ରାନ୍ତ ହୋଇଛନ୍ତି। ଏହାଛଡ଼ା ୧୪ଟି ସ୍ଥାନକୁ କଣ୍ଟେନମେଣ୍ଟ ଜୋନ୍ ଭାବେ ଘୋଷଣା କରାଯାଇଛି ବୋଲି ସେ କହିଛନ୍ତି ।
Popular Categories
Previous article
Next article