ଭୁବନେଶ୍ୱର: ଲୋକସଭା ସାଂସଦ ପଦରୁ ବୈଜୟନ୍ତ ପଣ୍ଡା ମଙ୍ଗଳବାର ଇସ୍ତଫା ଦେଇଛନ୍ତି । ସେ ତାଙ୍କ ଇସ୍ତଫା ପତ୍ର ଲୋକସଭାର ବାଚସ୍ପତି ସୁମିତ୍ରା ମହାଜନଙ୍କ ନିକଟକୁ ପଠାଇଛନ୍ତି । ଶ୍ରୀ ପଣ୍ଡା ବାଚସ୍ପତିଙ୍କୁ ଭେଟିବାକୁ ଚାହୁଁଥିଲେ, କିନ୍ତୁ ସେ ବିଦେଶ ଗସ୍ତରେ ଥିବାରୁ ଭେଟି ପାରି ନଥିଲେ । ଫଳରେ ନିଜର ଇସ୍ତଫା ପତ୍ର ତାଙ୍କ ନିକଟକୁ ପଠାଇ ଦେଇଥିବା ବୈଜୟନ୍ତ ପଣ୍ଡା ସୋସିଆଲ ମିଡିଆ ମାଧ୍ୟମରେ ଜଣାଇଛନ୍ତି ।
ସୂଚନାଯୋଗ୍ୟ, କେନ୍ଦ୍ରାପଡା ଲୋକସଭା ଆସନରୁ ବୈଜୟନ୍ତ ପଣ୍ଡା ୨୦୧୪ରେ ନିର୍ବାଚିତ ହୋଇଥିଲେ । ଦଳ ବିରୋଧି କାର୍ୟ୍ୟ ଲାଗି ଗତ ଜାନୁୟାରୀ ୨୪ ତାରିଖରେ ତାଙ୍କୁ ବିଜେଡିରୁ ନିଲମ୍ବିତ କରାଯାଇଥିଲା। ତାଙ୍କ ବାପା ବଂଶୀଧର ପଣ୍ଡାଙ୍କ ଦେହାନ୍ତ ପରେ ଗତ ମେ ୨୮ ତାରିଖରେ ସେ ଦଳରୁ ଇସ୍ତଫା ଦେଇଥିଲେ।