କରୋନା: ବ୍ରିଟେନରେ ୬ ମୃତ, ସ୍ବାସ୍ଥ୍ୟମନ୍ତ୍ରୀଙ୍କ ସମେତ ୩୩୭ ଆକ୍ରାନ୍ତ

ଲଣ୍ଡନ: ଚୀନରୁ ବ୍ୟାପିଥିବା କରୋନା ଭୂତାଣୁ ଧୀରେ ଧୀରେ ନିୟନ୍ତ୍ରଣକୁ ଆସୁଛି। କିନ୍ତୁ ଅନ୍ୟ ଦେଶରେ ଏହାର ଆତଙ୍କ ବଢ଼ିବାରେ ଲାଗିଛି। ବ୍ରିଟେନରେ ଏହି ଭୂତାଣୁରେ ଆକ୍ରାନ୍ତ ହୋଇ ଏପର୍ଯ୍ୟନ୍ତ ୬ ଜଣଙ୍କ ମୃତ୍ୟୁ ଘଟିସାରିଛି। ଅନ୍ୟପଟେ ଭୂତାଣୁ ଦ୍ବାରା ୩୩୭ ଜଣ ଆକ୍ରାନ୍ତ ହୋଇଛନ୍ତି। ଆକ୍ରାନ୍ତଙ୍କ ମଧ୍ୟରେ ଦେଶର ସ୍ବାସ୍ଥ୍ୟମନ୍ତ୍ରୀ ନଦୀନ ଡାରିସ ବି ସାମିଲ ଅଛନ୍ତି। ନଦୀନଙ୍କ ପକ୍ଷରୁ ଏ ନେଇ ଏକ ବିବୃତି ଜାରି କରାଯାଇଛି।

ବ୍ରିଟିଶ ସାଂସଦ ନଦୀନ କହିଛନ୍ତି, ମୋର କରୋନା ପରୀକ୍ଷା ପଜିଟିଭ୍‌ ଆସିଛି। ମୁଁ ନିଜ ଘରେ ସ୍ବତନ୍ତ୍ର ଭାବେ ଅଲଗା ରହୁଛି। ଦ ଟାଇମ୍ସ ରିପୋର୍ଟ ମୁତାବିକ ସେ ପ୍ରଧାନମନ୍ତ୍ରୀ ବୋରିସ ଜନ୍‌ସନଙ୍କ ସମେତ ଶତାଧିକ ଲୋକଙ୍କ ସହିତ ସମ୍ପର୍କରେ ଥିଲେ। ନଦୀନ କିପରି କରୋନା ଦ୍ବାରା ଆକ୍ରାନ୍ତ ହେଲେ ତାହାର ଯାଞ୍ଚ କରାଯାଉଛି।