‘କରୋନା’: ସଂସଦରେ ବିବୃତି ଦେଲେ ସ୍ବାସ୍ଥ୍ୟମନ୍ତ୍ରୀ- ସ୍ଥିତି ସମୀକ୍ଷା କରୁଛନ୍ତି ପ୍ରଧାନମନ୍ତ୍ରୀ

ନୂଆଦିଲ୍ଲୀ: ଦେଶରେ ‘କରୋନା’ ଭୂତାଣୁକୁ ନେଇ ଆତଙ୍କ ଜାରି ରହିଛି। ବର୍ତ୍ତମାନ ସୁଦ୍ଧା ଦେଶରେ ୨୯ ଜଣ ଆକ୍ରାନ୍ତ ଚିହ୍ନଟ ହୋଇଥିବାବେଳେ ଗୁରୁବାର ସ୍ବାସ୍ଥ୍ୟମନ୍ତ୍ରୀ ଡା. ହର୍ଷବର୍ଦ୍ଧନ ସଂସଦରେ କରୋନା ସମ୍ପର୍କରେ ବିବୃତି ପ୍ରଦାନ କରିଛନ୍ତି। ହର୍ଷବର୍ଦ୍ଧନ କହିଛନ୍ତି, ଗତ ଜାନୁୟାରୀ ୧୭ରୁ କରୋନା ଭୂତାଣୁର ମୁକାବିଲା ପାଇଁ ପ୍ରସ୍ତୁତି ଚାଲିଛି। ବର୍ତ୍ତମାନ ସୁଦ୍ଧା ୨୯ ଆକ୍ରାନ୍ତ ଚିହ୍ନଟ ହୋଇଛନ୍ତି। ଇଟାଲୀରୁ ଆସିଥିବା ପର୍ଯ୍ୟଟକ କରୋନା ଦ୍ବାରା ସଂକ୍ରମିତ ହୋଇଛନ୍ତି। ମୁଁ ପ୍ରତିଦିନ ସ୍ଥିତି ସମୀଠା କରୁଛି। ଏକ ମନ୍ତ୍ରୀ ଗୋଷ୍ଠୀ ମଧ୍ୟ ସ୍ଥିତି ଉପରେ ନଜର ରଖିଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ନିଜେ କଡ଼ା ନଜର ରଖିଛନ୍ତି।

ଅନ୍ୟପଟେ ସଂସଦରେ ବିରୋଧୀମାନେ ଦିଲ୍ଲୀ ହିଂସାକୁ ନେଇ ପୁଣି ଥରେ ହଟ୍ଟଗୋଳ କରିଛନ୍ତି। ଦିଲ୍ଲୀ ହିଂସା ପ୍ରସଙ୍ଗରେ ଗୃହରେ ଆଲୋଚନା ଦାବି କରି ବିରୋଧୀ ସଦସ୍ୟମାନେ ହଙ୍ଗାମା କରିବାକୁ ଗୃହକୁ ମଧ୍ୟାହ୍ନ ୧୨ଟା ପର୍ଯ୍ୟନ୍ତ ମୁଲତବୀ ଘୋଷଣା କରାଯାଇଥିଲା।