ନୂଆଦିଲ୍ଲୀ : ଉତ୍ତର-ପୂର୍ବ ରାଜ୍ୟ ତ୍ରିପୁରାରେ ବାମର ୨୫ ବର୍ଷର ଗଡ଼କୁ ଭାଙ୍ଗି ବିଜେପି ଐତିହାସିକ ବିଜୟ ହାସଲ କରିଛି । ନାଗାଲାଣ୍ଡରେ ନିଜ ସହଯୋଗୀଙ୍କ ସହ ମିଶି ବିଜେପି ସରକାର ଗଢିବାକୁ ଅଗ୍ରସର ହେଉଛି । ସେପଟେ ମେଘାଳୟରେ ଝୁଲା ସରକାର ହେବା ଭଳି ପରିସ୍ଥିତି ସୃଷ୍ଟି ହୋଇଛି । ଉତ୍ତର-ପୂର୍ବ ରାଜ୍ୟରେ ଆଶାତୀତ ସଫଳତା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଭୋଟରଙ୍କୁ ଶ୍ରେୟ ଦେଇଛନ୍ତି । ଏହାସହ ବିଜେପି କର୍ମୀ ଓ ନେତାଙ୍କ କାର୍ଯ୍ୟକୁ ପ୍ରଶଂସା କରିଛନ୍ତି । ମୋଦି କହିଛନ୍ତି ଯେ ଲୋକେ ନକରାତ୍ମକ ରାଜନୀତିକୁ ପ୍ରତ୍ୟାଖ୍ୟାନ କରିଛନ୍ତି । ଅତ୍ୟାଚାର ବିରୋଧରେ ଏହା ଗଣତନ୍ତ୍ରର ବିଜୟ । ଏହା ହେଉଛି ବିଜେପିର ଶୂନ୍ୟରୁ ଶିଖର ଯାତ୍ରା। ତ୍ରିପୁରାର ଗତ ବିଧାନସଭା ନିର୍ବାଚନରେ ବିଜେପି ଖାତା ଖୋଲିପାରିନଥିଲା । ଚଳିତ ଥର ତ୍ରିପୁରାରେ ସଂଖ୍ୟାଗରିଷ୍ଠତା ହାସଲ କରି ସରକାର ଗଢିବାକୁ ଯାଉଛି । ଏହାକୁ ଶୂନ୍ୟରୁ ଶିଖର ଯାତ୍ରା ବୋଲି ମୋଦି ଅଭିହିତ କରିଛନ୍ତି ।
Popular Categories
Previous article
Next article