-ଏହାକୁ ପ୍ରଥମେ ଇଣ୍ଡୋନେସିଆରେ ଲଞ୍ଚ କରାଗଲା
– ଓପୋ ଏ୩୧ରେ ଟ୍ରିପଲ ରିଅର କ୍ୟାମେରା ରହିଛି
-ମିଳିବ ୪ହଜାର ୨୩୦ଏମ୍ଏଚର ବ୍ୟାଟେରି ସପୋର୍ଟ
ନୂଆାଦିଲ୍ଲୀ : ଚୀନର ସ୍ମାର୍ଟଫୋନ କମ୍ପାନୀ ତିନୋଟି ରିଅର କ୍ୟାମେରା ଥିବା “ଓପୋ ଏ୩୧”ର ବଜାର ପ୍ରବେଶ କରିଛି। ଏହାକୁ ପ୍ରଥମ କରି ଇଣ୍ଡୋନେସିଆରେ ଲଞ୍ଚ କରାଯାଇଛି। ଏହି ଫୋନରେ ୬.୫ଇଞ୍ଚର ଏଚଡି ପ୍ଲସ୍ ଡିସପ୍ଲେ ଦିଆଯାଇଛି। ଏହାବ୍ୟତୀତ ଫୋନରେ ତିନୋଟି କ୍ୟାମେରା ଓ ଜବରଦସ୍ତ ପ୍ରୋସେସର ରହିଛି। ଏହି ଫୋନର ମୂଲ୍ୟ ୧୩ହଜାର ୬୦୦ଟଙ୍କା। ଓପୋ ଏ୩୧କୁ କଳା ଏବଂ ଧଳା ଦୁଇଟି ରଙ୍ଗ ସହ ବଜାରକୁ ଛଡାଯାଇଛି।
“ଓପୋ ଏ୩୧”ରେ ୬.୫ଇଞ୍ଚର ଏଚଡି ପ୍ଲସ୍ ଡିସପ୍ଲେ ରହିଛି। ଯାହାର ରିଜୋଲ୍ୟୁସନ୍ ୧୫୨୦/୭୨୦ପିକ୍ସଲ। ଏହାସହିତ ଏଥିରେ ମିଡ଼ିଆଟେକ୍ ହିଲିଓ ପି୩୫ ଚିପସେଟ୍ ଏବଂ ୪ଜିବି ରାମ, ୧୨୮ଜିବି ଷ୍ଟୋରେଜ ରହିଛି। ଫୋନରେ ଦିଆଯାଇଥିବା ତିନୋଟି କ୍ୟାମେରା ମଧ୍ୟରୁ ଗୋଟିଏ ୧୨ମେଗାପିକ୍ସେଲର ପ୍ରାଇମେରୀ ସେନସର, ଦ୍ବିତୀୟଟି ୨ମେଗାପିକ୍ସେଲର ଡେପଥ୍ ସେନସର ଏବଂ ୨ମେଗାପିକ୍ସେଲର ମାଇକ୍ରୋ ଲେନ୍ସ ରହିଛି। ଏହାବ୍ୟତୀତ କମ୍ପାନୀ ପକ୍ଷରୁ ୮ମେଗାପିକ୍ସେଲର ଫ୍ରଣ୍ଟ କ୍ୟାମେରା ଦିଆଯାଇଛି।
ସଂଯୋଗ ପାଇଁ ଫୋନରେ ୪ଜି ଭୋଲଟିଇ, ବ୍ଲୁଟୁଥ, ୱାଇ-ଫାଇ, ଜିପିଏସ୍, ୩.୫ଏମଏମ୍ ଅଡ଼ିଓ ଜ୍ୟାକ୍ ଏବଂ ୟୁଏସବି ପୋର୍ଟ ଦିଆଯାଇଛି। ଏହାବ୍ୟତୀତ ଫୋନରେ ୪ହଜାର ୨୩୦ଏମ୍ଏଚ୍ ବ୍ୟାଟେରି ରହିଛି।
