କଟକ: ମାଧ୍ୟମିକ ଶିକ୍ଷା ପରିଷଦ(ବୋର୍ଡ) ପକ୍ଷରୁ ଜୁନ ୨୨ରୁ ମାଟ୍ରିକ ସପ୍ଲିମେଣ୍ଟାରୀ ପରୀକ୍ଷା ଆରମ୍ଭ ହେବ। ସପ୍ଲିମେଣ୍ଟାରୀ ପରୀକ୍ଷା ନିମନ୍ତେ ଫର୍ମ ପୂରଣ ସମୟ ଅବଧିକୁ ଗୋଟିଏ ଦିନ ଘୁଞ୍ଚାଇ ଦିଆଯାଇଛି। ବ୍ୟାଙ୍କ କର୍ମଚାରୀଙ୍କ ଧର୍ମଘଟ ପାଇଁ ବୋର୍ଡ ପକ୍ଷରୁ ଏପରି ନିଷ୍ପତ୍ତି ନିଆଯାଇଛି। ଏହାଦ୍ୱାରା ପରୀକ୍ଷାର୍ଥୀମାନେ ଜୁନ୍ ୧ ତାରିଖ ମଧ୍ୟରାତ୍ରି ଯାଏ ଫର୍ମପୂରଣ ଓ ଦେୟ ଦାଖଲ କରିପାରିବେ। ମେ ୩୦ ରାତ୍ରି ୧୧ଟା ୪୫ ପର୍ୟ୍ୟନ୍ତ ଦେୟ ଦାଖଲ ସହ ମେ ୩୧ ମଧ୍ୟରାତ୍ରି ଯାଏ ଫର୍ମପୂରଣ କରିବାକୁ ସୁଯୋଗ ଦିଆଯାଇଥିଲା। ଏହାପରେ ଆଉ କୌଣସି ଅଧିକ ସମୟ ଦିଆଯିବ ନାହିଁ ବୋଲି ବୋର୍ଡ ପରୀକ୍ଷା ନିୟନ୍ତ୍ରକ ଡ. ନିହାର ରଞ୍ଜନ ମହାନ୍ତି ସୂଚନା ଦେଇଛନ୍ତି।
