ନୂଆଦିଲ୍ଲୀ: ଦିଲ୍ଲୀର ପୀରାଗଢ଼ୀ ଅଞ୍ଚଳରେ ଥିବା ଏକ ଫ୍ୟାକ୍ଟ୍ରିରେ ହୋଇଥିବା ଅଗ୍ନିକାଣ୍ଡକୁ ୧୧ ଘଣ୍ଟା ବିତି ଯାଇଥିଲେ ସୁଦ୍ଧା ଏପର୍ଯ୍ୟନ୍ତ ନିଆଁ ସମ୍ପୂର୍ଣ୍ଣ ଭାବେ ଆୟତ ହୋଇ ପାରିନାହିଁ। ଅନ୍ୟ ପକ୍ଷରେ ନିଆଁ ଲିଭା ବେଳେ ଆହତ ହୋଇଥିବା ଜଣେ ଅଗ୍ନିଶମ କର୍ମଚାରୀଙ୍କ ମୃତ୍ୟୁ ଘଟିଥିବା ସୂଚନା ମିଳିଛି।
ସୂଚନାଯୋଗ୍ୟ, ରାଜଧାନୀ ନୂଆଦିଲ୍ଲୀରେ ଗୁରୁବାର ସକାଳେ ଏକ ଭୟାବହ ଅଗ୍ନିକାଣ୍ଡ ଘଟିଛି। ପୀରାଗଢ଼ୀ ଅଞ୍ଚଳରେ ଥିବା ଏକ ଫ୍ୟାକ୍ଟ୍ରିରେ ନିଆଁ ଲାଗିଯାଇଥିଲା। ଖବର ପାଇ ୩୫ଟି ଦମକଳ ଗାଡ଼ି ଘଟଣାସ୍ଥଳରେ ପହଞ୍ଚି ନିଆଁ ଲିଭାଇବା ଆରମ୍ଭ କରିଥିଲେ। ନିଆଁ ଲିଭା କାର୍ଯ୍ୟ ଚାଲିଥିବା ବେଳେ ଏକ ବିସ୍ଫୋରଣ ଘଟିବାରୁ ଫ୍ୟାକ୍ଟ୍ରିର କିଛି ଅଂଶ ଭୁଶୁଡ଼ି ପଡିଥିଲେ। ଏଥିରେ ଜଣେ ଦମକଳ କର୍ମଚାରୀ ଫସି ରହିଥିଲେ। ପ୍ରାୟ ୧୦ ଘଣ୍ଟା ପରେ ତାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇଥିଲା।
