ସୋର : ସୋର ପୌରାଞ୍ଚଳରେ ଜଣେ ନାବାଳିକା (ଷଷ୍ଠ ଶ୍ରେଣୀ ଛାତ୍ରୀ)ଙ୍କୁ ଅସଦାଚରଣ ହୋଇଥିବା ଅଭିଯୋଗ ହୋଇଛି । ଏହି ଘଟଣାରେ ଜଣଙ୍କୁ ଅଟକ ମଧ୍ୟ ରଖାଯାଇଛି । ସୂଚନା ଯୋଗ୍ୟ, ପ୍ରାୟ ଗତ ମାସରୁ ଛାତ୍ରୀ ଜଣକ ସ୍କୁଲ ଯାଉଥିବା ବେଳେ ଦୁଇ ଯୁବକ ରାସ୍ତାରେ ତାଙ୍କୁ କମେଣ୍ଟ ମାରିବା ସହ ଅଶ୍ଳୀଳ ଭାଷାରେ କଥା ହେବାକୁ ବାଧ୍ୟ କରୁଥିଲେ। ନାବାଳିକା ଛାତ୍ରୀକୁ ବିଭିନ୍ନ ପ୍ରଲୋଭନ ଦେଖାଇ ଅସଦାଚରଣ କରୁଥିଲେ। ଘଟଣାକୁ ନେଇ ଗାଁ ଲୋକେ ଗତ ୧୫ ଦିନ ତଳେ ସମାଧାନ କରିଥିଲେ ମଧ୍ୟ ଶନିବାର ଛାତ୍ରୀ ଜଣକ ସ୍କୁଲ ଯିବା ବେଳେ ସମାନ ଘଟଣା ଘଟିବାରୁ ଛାତ୍ରୀ ଜଣକ ଦିବ୍ୟାଙ୍ଗ ବାପାକୁ ଘଟଣା ସମ୍ପର୍କ ଜଣାଇ ଥିଲେ। ଏହାପରେ ଗାଁ ଲୋକଙ୍କ ସହିତ ଗତକାଲି ବିଳମ୍ବିତ ରାତିରେ ସୋର ଥାନାରେ ଏନେଇ ଅଭିଯୋଗ ହୋଇଥିଲା। ଛାତ୍ରୀଙ୍କ ବାପା ଜଣେ ଦିବ୍ୟାଙ୍ଗ ଯୋଗୁଁ ମା ଭଦ୍ରକରେ ଏକ ବେସରକାରୀ ସଂସ୍ଥାରେ କାର୍ଯ୍ୟ କରନ୍ତି ବୋଲି ଜଣାପଡ଼ିଛି। ଏହାପରେ ଉକ୍ତ ଘଟଣାରେ ପୁଲିସ ଜଣେ ଅଭିଯୁକ୍ତ ହରିହର ମାଲିକକୁ ଅଟକ ରଖିଛି। ଅନ୍ୟ ଅଭିଯୁକ୍ତ ଇଶ୍ବର ମହାଳିକ ଫେରାର ହୋଇଯାଇଛି।
Popular Categories
Previous article
Next article