ପାଟନା : ଆରଜେଡି ମୁଖ୍ୟ ଲାଲୁ ପ୍ରସାଦ ଯାଦବଙ୍କ ବୋହୂ ଐଶ୍ୱର୍ଯ୍ୟା ରାୟ ୨୦୧୯ ଲୋକସଭା ନିର୍ବାଚନର ରଣାଙ୍ଗନକୁ ଓହ୍ଲାଇବାର ସମ୍ଭାବନା ରହିଛି। ଦଳ ପକ୍ଷରୁ ତାଙ୍କୁ ବିହାରର ଛାପ୍ରା ସଂସଦୀୟ କ୍ଷେତ୍ରରୁ ପ୍ରାର୍ଥୀ କରାଯାଇପାରେ। ଦଳର ନେତା ରାହୁଲ ତିୱାରି କହିଛନ୍ତି ଯେ ରାଜବାସୀ ଚାହାନ୍ତି ଯେ ଐଶ୍ୱର୍ଯ୍ୟା ନିର୍ବାଚନ ଲଢନ୍ତୁ। ତେବେ ଏ ବାବଦରେ ଲାଲୁ ଓ ତାଙ୍କ ଯାଦବ ପରିବାର ଚୂଡାନ୍ତ ନିଷ୍ପତ୍ତି ନେବେ। ଯାଦବ ପରିବାରର ଚୂଡାନ୍ତ ନିଷ୍ପତ୍ତି ପୂର୍ବରୁ ରାଜ୍ୟର ଶାସକ ଜେଡିୟୁ ଏପରି ଯୋଜନାକୁ ସମାଲୋଚନା କରିଛି। ନିକଟରେ ଲାଲୁଙ୍କ ବଡ ପୁଅ ତେଜ ପ୍ରତାପ ଯାଦବ ଐଶ୍ୱର୍ଯ୍ୟାଙ୍କୁ ବିବାହ କରିଛନ୍ତି।
